ЦХИНВАЛ, 18 дек - Sputnik, Хъуылымбегты Зӕлинӕ. Хуссар Ирыстоны зонад-иртасӕн институты бӕстыхайы фасады цалцӕггӕнӕн куыстытӕ фӕуыдзысты нывӕзтгонд ӕмгъуыдӕй фӕстӕдӕр коронавирусы пандемийы тыххӕй. Бӕстыхайы цалцӕг фӕуыдзӕн февралы кӕрӕтты, радзырдта Sputnik зонад-иртасӕн институты директор Гаглойты Роберт.
"Бирӕ кусджытӕ, кӕцытӕ хъуамӕ цалцӕг кодтаиккой фасад, фӕрынчын сты ӕмӕ фӕстӕдӕр бавнӕлдтой куыстмӕ. Уый фӕдыл мах аргъӕвтам нывӕзтгонд ӕмгъуыд", - загъта Гаглойты Роберт.
Йӕ ныхӕстӕм гӕсгӕ, нырма кусджытӕ систой зӕронд штукатуркӕ ӕмӕ сцалцӕг кодтой бӕстыхайы къул.
"Ахӕм цалцӕг зонад-иртасӕн институты нӕ уагътой 70-ӕм азтӕй", - бафтыдта уый.
Амӕйразмӕ хицауад рахицӕн кодта фӕрӕзтӕ институты агъуыст раивынӕн, радзырдта Гаглойты Роберт.
"Институты фасад сцалцӕг кӕнынӕн финанстӕ рахицӕн кодтой президент Бибылты Анатолийы сӕрмагонд фондӕй", - банысан кодта институты директор.
Афтӕ ма уый бафтыдта, зӕгъгӕ, зонад-иртасӕн институты ӕртыккаг уӕладзыг дӕр хъӕуы сцалцӕг кӕнын, ӕмӕ ацы фарст скъуыддзаг цӕуы.
