ЦХИНВАЛ, 14 янв - Sputnik. Хуссар Ирыстоны уӕрӕсейаг ӕфсӕддон базӕйы 200 ӕфсӕддонӕн сарӕзтой прививкӕтӕ коронавирусон инфекцийы ныхмӕ, хъусын кӕны Хуссар ӕфсӕддон зылды пресс-службӕ.
"Препараты парти ӕрластой базӕмӕ транспортировкӕйы уавӕртӕ ӕххӕстгӕнгӕйӕ. Вирусы ныхмӕ прививкӕтӕ банхъардтой ӕфсӕддонты алкӕцы категорийӕн дӕр. Абоны бон вакцинӕйы дыууӕ компонент дӕр райстой Хуссар ӕфсӕддон зылды ӕхсӕз мин ӕфсӕддонӕй фылдӕр", - банысан кодтой пресс-службӕйы.
Уым ба бафтыдтой, вакцинаци уагъд кӕй цӕуы ӕфсӕддонтӕ ӕмӕ базӕйы граждайнаг персоналы барлӕвӕрдӕй.
Хуссар ӕфсӕддон зылды ӕввахс рӕстӕджы нывӕндынц саразын прививкӕтӕ 60 минӕй фылдӕр ӕфсӕддонӕн.
