Ӕнӕ карантинӕй: куыд у сӕ ахаст цхинвайлӕгтӕн коронавирусы ныхмӕ тобӕтӕ сисынмӕ

© Sputnik / Natalia Airiyan Цхинвал
Цхинвал - Sputnik Хуссар Ирыстон
Рафыссын
Къуырийы райдайӕны коронавирусы апарахат ма руадзыны фӕдыл оперативон штабы рабадтыл аскъуыддзаг кодтой, цӕмӕй аивой тобӕты иу хай, сӕрмагондӕй та 15 январӕй скусдзысты ахуырадон уагдӕттӕ дӕргъвӕтин фӕстиаты фӕстӕ

ЦХИНВАЛ, 14 янв - Sputnik, Плиты Фатимӕ. Майрӕмбонӕй Хуссар Ирыстоны систой тобӕтӕ фылдӕр бӕрцӕй, кӕцытӕ раздӕр бакодтой коронавирусы апарахаты тасӕй. Карантин аивынмӕ сӕ хъуыдытӕ дзурынц Sputnik медиктӕ, ныййарджытӕ ӕмӕ ахуырдзаутӕ.

Коронавирус, тест - Sputnik Хуссар Ирыстон
Хуссар Ирыстоны сбӕрӕг кодтой 33 ног рынчыны коронавирусӕй

Къуырийы райдайӕны коронавирусы апарахат ма руадзыны фӕдыл оперативон штабы рабадтыл аскъуыддзаг кодтой, цӕмӕй аивой тобӕты иу хай, сӕрмагондӕй та 15 январӕй скусдзысты ахуырадон уагдӕттӕ дӕргъвӕтин фӕстиаты фӕстӕ.

Фӕстаг рӕстӕг Хуссар Ирыстоны медуагдӕтты фӕкъаддӕр сты коронавирусӕй рынчынтӕ.

Дохтыр эидемиолог-аллерголог Мӕргъиты Марина нымайы, рынчынты фӕкъаддӕр комкоммӕ баст у тобӕтимӕ.

"Тобӕты фӕрцы уавӕр ӕрнывыл ис. Фӕлӕ сӕ аивд бынтон хорз нӕу. Февралы та ногӕй рынчынты нымӕцы бӕрӕггӕнтӕ фӕивдзысты, бамбал ма сӕм уыдзысты гриппӕй рынчынтӕ", - загъта медик.

Йӕ ныхӕстӕм гӕсгӕ нырма республикӕйы ис чи нӕ фӕрынчын ис, ахӕмтӕ бирӕ.

"Адӕм нӕ хъӕуы бынтон сӕхи ӕрсабыр кӕнын. Ис нырма чи нӕ фӕрынчын ис, ахӕмтӕ, стӕй кӕцыдӕртӕн тӕссаг у ногӕй дӕр фӕрынчын уӕвын, уый тыххӕй дарддӕр дӕр хъӕуы хи хизын", - амоны дохтыр.

Стӕй ма Мӕргъиты Марина радзырдта, коронавирусӕй чи сдзӕбӕх ис, уыдонӕн тӕссаг у хуымӕтӕг грипп дӕр.

Цӕгат Иры 130 адӕймагӕй фылдӕр сарӕзтой привикӕтӕ коронавирусӕй - Sputnik Хуссар Ирыстон
Цӕгат Иры 130 адӕймагӕй фылдӕр сарӕзтой прививкӕтӕ коронавирусӕй

Дохтырты уӕлдай, карантины аивдыл цин кӕнынц ныййарджытӕ.

"Тыхджын хорз, кӕй скуыстой скъолатӕ. Мӕ фырт фӕстаг рӕстӕг тынг мӕгуырау ахуыр кодта, дистанцион форматы лӕмӕгъ ахуыр цыд. Стӕй уӕддӕр сывӕллӕттӕ ӕппынӕдзух сты уынджы ӕмӕ ма тобӕйы нысан цы у",- загъта ахуырдзауы ныййарӕг Олеся.

Скъоладзутӕ сӕхӕдӕг дӕр тырнынц ахуырмӕ.

"Дистанцион форматы ахуыр кӕнын зын у. Мысынц скъола ӕмӕ ахуыргӕнджыты, рагӕй нал федтон ме 'мгӕртты. Ӕнӕрхъӕцӕй ӕнхъӕлмӕ кӕсын ахуыры райдайӕнмӕ" ,- загъта гимнази "Альбион"-ы ахуырдзау Ян Яралов.

Ног хабӕртты лентӕ
0