Цхинвалы бавналдзысты Зӕронд хиды цалцӕгмӕ

© Sputnik / Natalia AiriyanЗӕронд хид
Зӕронд хид - Sputnik Хуссар Ирыстон
13 Коммунары уынгыл хиды цалцӕгмӕ бавналдзысты экспертизӕйы фӕстиуджытӕ райсыны фӕстӕ

ЦХИНВАЛ, 21 янв – Sputnik, Хъуылымбегты Азӕмӕт. Цхинвалы Леуахийы сӕрты хиды реконструкци 13 Коммунары уынгыл райдадзӕн ацы аз, уый тыххӕй Sputnik фехъусын кодта арӕзтад, архитектурӕ ӕмӕ ЦКХ министры хӕдивӕг Гаглойты Олег.

 Дзауы районы ЦКХ сӕргълӕууӕг Цхуырбаты Тамерлан - Sputnik Хуссар Ирыстон
Ног хид ӕмӕ фӕндаджы цалцӕг: Дзауы районы ЦКХ радзырдтой 2021 азы нывӕзты тыххӕй

Йӕ ныхӕстӕм гӕсгӕ, реконструкцийы проект цӕуы экспертизӕ. Фӕстиуджытӕ райсыны фӕстӕ снысан кӕндзысты нардуатисӕджы, ӕмӕ аразджытӕ бавналдзысты куыстмӕ.

Куыстытӕ уагъд цӕудзысты дыууӕ этапы ӕмӕ фӕуыдзысты 2022 азы. Арӕзтад, архитектурӕ ӕмӕ ЦКХ министры хӕдивӕг Гаглойты Олег ныхӕстӕм гӕсгӕ, реконструкцийы рӕстӕджы сфидар кӕндзысты хиды бындур.

"Афтӕмӕй мах бавӕрдзыстӕм хиды историон хуыз", - банысан кодта уый.

Гаглойты Олег бафтыдта, зӕгъгӕ, хид рауӕрӕх кӕндзысты, цӕмӕй фӕндагон змӕлдимӕ проблемӕтӕ мауал уа.

Цхинвалы Леуахийы сӕрты 13 Коммунары уынгыл хид сарӕзтой 1903 азы.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала