ЦХИНВАЛ, 15 фев – Sputnik, Хъуылымбегты Зӕлинӕ. Къуырисӕры райсоммӕ бӕрӕггӕнӕнтӕм гӕсгӕ, Хуссар Ирыстоны рабӕрӕг кодтой 21 ног рынчыны коронавирусӕй, фехъусын кодта Sputnik "Югосетпотребнадзор"-ы хистӕры хӕдивӕг Гаглойты Анна.
"Коронавирус радӕрӕг кӕныны тыххӕй цы 184 тесты сарӕзтам, уыдон низ рабӕрӕг кодтой 21 адӕймагӕн", - загъта уый.
Гаглойты Анна Ма бафтыдта, ивгъуыд суткӕйы медицинон хыгъдӕй кӕй систой 11 адӕймаджы. Дохтырты хъусдарды бын нырма сты 863 адӕймаджы.
Хуссар Ирыстоны пандемийы райдианӕй ӕдӕппӕт сарӕзтой 17 362 иртӕстӕй фылдӕр коронавирусы фӕдыл, уыдонӕй 2 963 равдыстой ӕвӕрццаг фӕстиуӕг.
Хуссар Ирыстоны январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.
