ЦХИНВАЛ, 4 мар – Sputnik, Плиты Фатимæ. Хуссар Ирыстоны Знауыры районы центры сӕйраг уынгтыл ивд цӕуынц рухсытӕ. Ног плафонтӕ фӕзынд Хетӕгкаты Къостайы, Цхуырбаты Иваны, Сталины ӕмӕ Ленины уынгтыл, фехъусын кодтой Sputnik районы администрацийы пресс-службӕйы.
Нырмӕ уал централон уынгтӕ срухс кодтой 42 плафоны, куыст дарддӕр цӕуы.
"Уымӕй дарддӕр ма ныридӕгӕн куыст цӕуы Цхинвал-Знауыры трассӕйыл Аунеуӕй Бехъмары онг хайы дӕр. Ног рухсы ифтонгад къаддӕр кӕны электроэнергийы хӕрдзтӕ ӕмӕ у гъӕдджын", - загътой уым.
Куыстытӕ ӕххӕст кӕнынц Знауыры районы цӕрӕн-коммуналон хӕдзарад.
