Цæгат Иры ирон театр равдисдзæн Цхинвалы Шекспиры трагеди

© 15-Й РЕГИОНЦæгат Иры ирон театр равдисдзæн Цхинвалы Шекспиры трагеди
Цæгат Иры ирон театр равдисдзæн Цхинвалы Шекспиры трагеди - Sputnik Хуссар Ирыстон, 1920, 13.04.2021
Рафыссын
Уильям Шекспиры историон пьесӕ "Ричард III" таурæгъ кæны паддзахы бынатыл тохыл. Трагедийы æвдыст цæуы Англи XV æнусы

ЦХИНВАЛ, 13 апр - Sputnik, Плиты Фатимӕ. Цæгат Ирыстоны ирон театр Цхинвалы 22 апрелы равдисдзæн режиссер Уалыты Гивийы спектакль "Ричард III". Уый тыххæй Sputnik фехъусын кодтой РХИ паддзахадон драмон театры пресс-службæйы.

Цхинвал ӕрфысым кӕндзӕн Цӕгат Иры Ирон театры - Sputnik Хуссар Ирыстон, 1920, 11.02.2021
Цхинвал ӕрфысым кӕндзӕн Цӕгат Иры Ирон театры

Уильям Шекспиры историон пьесӕ "Ричард III" таурæгъ кæны паддзахы бынатыл тохыл. Трагедийы æвдыст цæуы Англи XV æнусы.

"Хетæгкаты Къостайы номыл Хуссар Ирыстоны паддзахадон театр æмæ Цæгат Ирыстоны Тæбæхсауты Балойы номыл ирон театры сфидар кодтой æмгуыстады тæгтæ. 2019 азы мах ныццыдыстæм гастрольтимæ Дзæуджыхъæумæ. Уыцы аз Цæгат Иры театр æрхаста Цхинвалмæ фæсивæдон труппæимæ спектакль "Ромео и Джульетта", уый дæр у Уалыты Гивийы куыст. Ныр дӕр та нӕм ӕрхӕссынц иу равдыст, ныридӕгӕн билеттæ сты кассæты", - загътой культурон уагдоны.

Уалыты Гивийы спектакль "Ричард III"-йæ ивгъуыд аз Цæгат Ирыстоны бакодтой театралон сезон. Стæй ма 2020 азы национ театрты æппæтуæрæсейон фестивалы экспертон къамисы хъуыдымæ гæсгæ спектакль бацыд 15 хуыздæр спектаклы номхыгъдмæ.

Ног хабӕртты лентӕ
0