ЦХИНВАЛ, 20 апр - Sputnik, Плиты Фатимӕ. Хуссар Ирыстоны Дзауы районы Хуыцъейы хъӕуы бавнӕлдтой сывӕллӕтты хъазӕн фӕзуаты арӕзтадмӕ, уый тыххӕй Sputnik фехъусын кодтой районы администрацийы пресс-службӕйы.
Арӕзтад цӕуы ныр цалдӕр къуыри Хуыцъейы скъоламӕ хӕстӕг.
"Куыстытӕ ӕххӕст кӕны районы цӕрӕнуатон-коммуналон хӕдзарад, сывӕллӕтты фӕзуат арӕзт цӕуы цӕрджыты куырдиатмӕ гӕсгӕ, кӕцытӕ фарон бахатыдысты районы хистӕрмӕ", - хъусын кӕнын пресс-службӕ районы ЦКХ хистӕр Цхуырбаты Тамерланы ныхӕстӕ.
Пресс-службӕйы ма банысан кодтой, сывӕллӕтты фӕзуат дзуапп кӕй дӕтдзӕн нырыккон домӕнтӕн.
Хуссар Иры Дзауы районы аразынц сывӕллӕтты фӕзуат
© Пресс-служба Дзауского района
"Уыдзӕн дзы тренажертӕ, хъеллаугӕнӕнтӕ. Иудзырдӕй, уыдзӕн ӕххӕстӕй нырыккон сывӕллӕтты хъазӕн фӕзуат", - загъта ЦКХ хистӕр.
Ӕмрӕстӕджы ма цӕрӕнуатон-коммуналон хӕдзарады кусджытӕ сыгъдӕг кӕнынц Уыцыфарсы хъӕуы доны хӕтӕл дӕр.
