Цхинвалы централон уынгтӕ сӕхгӕндзысты "Фӕстаг дзӕнгӕрӕджы" бӕрӕгбоны рӕстӕджы

© Sputnik / Наталья АйриянРХИ милици
РХИ милици - Sputnik Хуссар Ирыстон, 1920, 25.05.2021
Рафыссын
Хуссар Ирыстоны скъолаты дыццӕджы айзӕлдзӕн фӕстаг дзӕнгӕрӕг рауагъдонтӕн. Милицийы кусджытӕ рахиздзысты службӕйы фӕтыхджындӕргонд режиммӕ, столицӕйы кӕцыдӕр уынгтыл та ӕрӕхгӕндзысты фӕндагон змӕлд бӕрӕгбонон концерты рӕстӕджы, радзырдтой МХМ

ЦХИНВАЛ, 25 май - Sputnik. Цхинвалы сӕхгӕндзысты Театралон фӕзуатмӕ хӕстӕг централон уынгты фадгуытӕ "Фӕстаг Дзӕнгӕрӕджы" цытӕн бӕрӕгбонон концерты рӕстӕджы, хъусын кӕны Хуссар Ирыстоны Мидхъуыддӕгты министрады (МХМ) пресс-службӕ.

Цхинвал - Sputnik Хуссар Ирыстон, 1920, 24.05.2021
Хуссар Иры автоинспекци рахызт куысты фæтыхджындæргонд режиммæ

Республикӕйы скъолаты рауагъдонтӕ дыццӕджы айзӕлдзӕн фӕстаг дзӕнгӕрӕг. Бӕрӕгбонон мадзӕлттӕ уагъд цӕудзысты столицӕ ӕмӕ районты ахуырадон уагдӕтты, ӕдасдзинад та ӕххӕст кӕндзысты милицийы кусджытӕ, кӕцытӕ рахызтысты службӕйы фӕтыхджындӕргонд режиммӕ. Республикӕйы фӕндӕгтыл сӕвӕрдтой милицийы уӕлӕмхасӕн къордтӕ, скъолатӕ ӕмӕ ӕндӕр бынӕттӕ та басгардзысты тыхон структурӕты сапертӕ.

"Театралон фӕзуатыл бӕрӕгбонон концерты ауадзыны тыххӕй 25 майы изӕры ӕхгӕд уыдзысты Сталины уынг Тӕболты Сергей ӕмӕ Пушкины уынджы алвӕндагыл, ӕмӕ Хетӕгкаты-Тугъанты уынгты алвӕндаг", - дзырдӕуы хъусинаджы.

Афтӕ ма централон фӕзуатмӕ бахизӕны сӕвӕрдзысты контролон-уадзӕн пункттӕ, цӕмӕй сбӕрӕг кӕной хӕцӕнгарз, рӕмудзӕн ӕрмӕджытӕ ӕмӕ ӕндӕр тобӕгонд дзауматӕ. Театралон фӕзуатмӕ хӕстӕг дуканиты тобӕ сӕвӕрдзысты нозты продукци уӕй кӕныныл.

Ног хабӕртты лентӕ
0