Быроны хуызтӕ хицӕнтӕй: Хуссар Иры ацӕудзӕн экологон акци-зиу

© Пресс-служба МВД РЮООтдыхающие на речке в Южной Осетии
Отдыхающие на речке в Южной Осетии - Sputnik Хуссар Ирыстон, 1920, 07.06.2021
Акцийы фӕлгӕтты республикӕйы цӕрджытӕ бафснайдзысты Дзауы районы Чъимасдоны былгӕрӕттӕ. Быроны хуызтӕ - пластик, авг ӕмӕ гӕххӕт - ӕмбырд кӕндзысты хицӕнтӕй

ЦХИНВАЛ, 7 июн – Sputnik, Плиты Фатимæ. Хуссар Ирыстоны экологион организаци "Зеленая Алания" расидт ахуырадон акци-зиу быроны хицӕн хуызты ӕмбырд кӕныны фӕдыл Чъимасы цӕугӕдоны донбылгӕрӕтты. Уый тыххӕй Sputnik фехъусын кодта  организацийы хистӕр Габайты Зӕлинӕ.

Хуссар Иры бамбал сты пластикы ныхмӕ ӕппӕткавказон акцимӕ - Sputnik Хуссар Ирыстон, 1920, 17.05.2021
Хуссар Иры бамбал ис пластикы ныхмӕ ӕппӕткавказон акцимӕ

"Акцимӕ хонӕм Цхинвалы ӕмӕ Дзауы скъола-интернатты ахуырдзауты, афтӕ ма кӕйдӕриддӕр фӕнды, уыдонӕн се 'ппӕты дӕр. Мадзалы канд бырон ӕмбырд нӕ цӕудзӕн, фӕлӕ ма скъоладзаутӕн уыдзӕн хиирхӕфсӕн нывӕзт дӕр. Бацӕттӕ сын кодтой призтӕ ӕмӕ грамотӕтӕ", - радзырдта уый.

Организацийы хистӕры ныхӕстӕм гӕсгӕ, ацы акци у хорз гуырахстджын хъуыддаджы райдайӕн.

"Хуссар Ирыстонӕй ацӕугӕ ӕвзонг уӕрӕсейаг амалиуӕггӕнджыты фӕнды балӕггад кӕнын сӕ райгуырӕн бӕстӕйӕн ӕмӕ аласдзысты бырон Хуссар Ирӕй. Пластик, авг ӕмӕ гӕххӕт хицӕнтӕй. Банысан кӕнын мӕ фӕнды уый, ӕмӕ быронӕй ӕхца саразӕн нӕй, уый у сӕ лӕггад Ирыстонӕн", - бафтыдта уый.

Акци ацӕудзӕн Хуыцъейы хъӕуы цур майрӕмбоны, 11 июны. Автобус цӕудзӕн Октябры уынджы скъола-интернаты цурӕй.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала