ЦХИНВАЛ, 16 июн – Sputnik. Хуссар Ирыстоны Паддзахадон ӕдасдзинады комитеты (ПӔК) фехъусын кодтой, гуырдзиаг ӕтӕпилотон хӕдтӕхджытӕ арӕх кӕй райдыдтой халын республикӕйы уӕлдӕфон тыгъдад.
Уагдоны ӕртыццӕджы апарахат кодтой хъусинаг, кӕцыйы банысан кодтой фехӕлдтӕ.
"Хуссар Ирыстоны арӕнгӕрон хъӕу Уисты рдӕм 18 майы ӕмӕ 3 июны атахтысты дыууӕ "квадрокоптеры". Дыууӕ хатт дӕр ӕнӕпилотон хӕдтӕхджытӕ фехӕлдтой Хуссар Ирыстоны уӕлдӕфон тыгъдад ӕмӕ бахызтысты республикӕйы территоримӕ 150 метры", - дзырдӕуы хъусинаджы.
ПӔК бӕрӕггӕнӕнтӕм гӕсгӕ, ахӕм архӕйдтытӕй гуырдзиаг фарс уадзы арӕнгӕрон территорийы визуалон разысгӕрст.
Уымӕй дарддӕр уагдоны бафтыдтой, Гуырдзыстоны тыхон структурӕты арсеналы ма ис ӕнӕпилотон хӕдтӕхджытӕ, кӕцытӕ семӕ хӕссынц хӕцӕнгарз ӕмӕ рӕмудзӕн ӕрмӕджытӕ.
"Уый фӕдыл ПӔК нымайы ацы цаутӕ куыд ӕртхъирӕн, кӕцы гӕнӕн ис сӕвзӕрын кӕна ӕндыгъд уавӕр арӕнгӕрон зонӕйы", - бахахх кодтой уагдоны.
ПӔК ма фехъусын кодтой, зӕгъгӕ, конфликты аххосӕгтӕй иу гӕнӕн ис уа Гуырдзыстоны кӕцыдӕр ӕнӕхицауадон организацитӕ ӕмӕ журналистты деструктивон архайд.
