Бафснайӕм нӕ ӕрдз: Хуссар Иры фӕсивӕды хонынц дыккаг экологион акцимӕ

Бафснайӕм нӕ ӕрдз - Sputnik Хуссар Ирыстон, 1920, 22.06.2021
Ӕфснайджыты хъусдард ныр та здӕхт уыдзӕн Цхинвал-Знауыры трассӕгӕрон Пронейы алыварс территоримӕ Аунеуы хъӕуӕй Бехъмары онг

ЦХИНВАЛ, 22 июн — Sputnik, Плиты Фатимӕ. Хуссар Ирыстоны ӕртыццӕджы ацӕудзӕн дыккаг экологион акци бырон хицӕнӕй ӕмбырд кӕныны тыххӕй. Бархионтӕ ацы хатт та ӕфснайдзысты Знауыры районы Пронейы донбылгӕрӕттӕ, фехъусын кодта Sputnik ӕхсӕнадон организаци "Зеленая Алания"-йы хистӕр Габайты Зӕлинӕ.

Отдыхающие на речке в Южной Осетии - Sputnik Хуссар Ирыстон, 1920, 07.06.2021
Быроны хуызтӕ хицӕнтӕй: Хуссар Иры ацӕудзӕн экологон акци-зиу

"Фӕсивӕдон комитеты бӕстыхайы разӕй райсом фараст сахатыл цӕудзӕн автобустӕ, хонӕм ӕппӕты дӕр, кӕцыты фӕнды райгуырӕн зӕххы сыгъдӕгдзинадмӕ йӕ хайбавӕрд бахӕссын. Сыгъдӕг цӕудзысты канд донбылгӕрӕттӕ нӕ, фӕлӕ ма доны цы бырон ис, уый дӕр. Уымӕ гӕсгӕ ивӕн къахдарӕс рахӕссын дӕр ӕвзӕр нӕ уаид", - загъта Габайты Зӕлинӕ.

Ӕфснайджыты хъусдард здӕхт уыдзӕн Цхинвал-Знауыры трассӕгӕрон Пронейы алыварс территоримӕ Аунеуы хъӕуӕй Бехъмары онг.

"Бырон канд ӕмбырд нӕ цӕудзӕн, фӕлӕ ма йӕ кӕндзыстӕм ӕвзаргӕ дӕр. Авг ӕмӕ пластик ӕмбырд кӕндзыстӕм хицӕнӕй. Уыдон стӕй аласдзысты Уӕрӕсемӕ", - бафтыдта организацийы хистӕр.

Ӕфснайыны акци суыдзӕн дыккаг, уымӕй размӕ та активисттӕ Хуссар Ирыстоны дыууӕ скъола-интернаты ӕххуысӕй бафснайдтой Дзауы районы Чъимасы донбылгӕрӕттӕ.

Мадзалы организатортӕ сты фӕсивӕдон политикӕйы комитет ӕмӕ экологикон организаци "Зеленая Алания".

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала