ЦХИНВАЛ, 29 июн – Sputnik, Цхуырбаты Дзерассӕ. Хуссар Ирыстоны зынгфӕдисонтӕ июны ахуыссын кодтой хус кӕрдӕджы 50-йӕ фылдӕр ссыгъды, фехъусын кодта Sputnik республикӕйы УУМ минӕвар Инал Захаров.
"Адӕмӕн ис уӕлӕнгай ахаст, кӕрдӕг ссудзынц ӕмӕ йӕ ныууадзынц афтӕ. Фӕлӕ уавӕр ис хъусдарды бын", - банысан кодта уый.
Захаровы ныхӕстӕм гӕсгӕ, зынвадат бынӕтты зынгсирвӕзттӕм уагдоныт кусджытӕ фӕцӕуынц къахӕй, зынг хуыссын кӕныны рӕстӕджы та спайда кӕнынц сӕрмагонд техникӕйӕ.
5 апрелы 2021, 14:13
"Сидын цӕрджытӕм, цӕмӕй бӕрнон ахаст ӕвдисой ӕрдзмӕ ӕмӕ ма судзой хус кӕрдӕг", - загъта УУМ минӕвар.
Уый ма бафтыдта, зӕгъгӕ, зынгсирвӕзтты аххосджытӕ-иу бӕрӕг куы ӕрцӕуой, уӕд фыдракӕнды фӕдыл ӕрмӕджытӕ ӕрвитдзысты тӕрхондонмӕ, цы ран фыдгӕнджыты кӕндзысты бӕрндзинадмӕ.
