ЦХИНВАЛ, 1 июл - Sputnik, Хъуылымбегты Зӕлинӕ. Хуссар Ирыстоны ивгъуыд суткӕ коронавирус сбӕрӕг кодтой 19 адӕймагӕн, фехъусын кодта Sputnik республикӕйы сӕйраг санитарон дохтыр Коцты Марина.
"Югосетпотребнадзор"-ы лабораторийы ивгъуыд суткӕ сарӕзтой 96 иртӕсты COVID-19-ы фӕдыл, уыдонӕй 19 радтой ӕвӕрццаг фӕстиуӕг", - радзырдта уагдоны сӕргълӕууӕг.
Фӕстаг суткӕйы медицинон хыгъдӕй систой цыппар пациенты, ӕдӕппӕт та тӕссаг инфекцийӕ сӕнӕниз сты 3 395 адӕймаджы. Ныртӕккӕ медикты хъусдарды бын стационар ӕмӕ амбулаторийы сты 98 пациенты.
Пандемийы райдианӕй фӕстӕмӕ Хуссар Ирыстоны коронавирусӕй фӕрынчынуӕвджыты иумӕйаг нымӕц схызт 3 474 онг. Уагдоны ПЦР-лабораторийы инфекцион низы фӕзындӕй фӕстӕмӕ сарӕзтой 24 195 тесты коронавирус рабӕрӕг кӕныны фӕдыл.
