ЦХИНВАЛ, 16 авг — Sputnik, Плиты Фатимæ. Хуссар Ирыстоны столицæйы райдыдта Президенты кубок футболæй.
13 командæйы паддзахады разамонæджы призыл бацыдысты тохы республикон стадионы Цхинвалы. Ерысгæнджытæм ныстуантæ сарæзтой президент Бибылты Анатолий æмæ футболы федерацийы разамонæг Джиоты Алан.
"13 командæйы æдæппæт архайы ерысты, уыдон сты республикæйы районтæ, столицæйы микрорайонтæ æмæ тыхон структурæты минæвæрттæ. Командæтæ дих сты дыууæ къордыл", - загъта Sputnik спорты комитеты кусæг Хуриты Батрадз.
Йæ ныхæстæм гæсгæ, Президенты кубокыл финалон фембæлд ацæудзæн Хуссар Иры хæдбардзинад Уæрæсейы рдыгæй банымады бæрæгбоны - 26 августы.
Уагæвæрдмæ гæсгæ, уæлахиздзау командæ райсы 50 мин сомы æмæ президенты цæугæ кубок, æвзист призер - 30 мин сомы, æртыккаг бынаты тыххæй та 20 мин сомы.
Ивгъуыд æзты æрвылазон ерысты уæлахиздзау дыууæ хатты ссис Хъайтарты уынджы командæ, иу хатт т расгуыхт ПӔК-ы къорд.
