https://sputnik-ossetia.com/20210909/Khussar-Iry-teatr-baygom-kndzn-nog-sezon-12784581.html

Хуссар Иры театр байгом кӕндзӕн ног сезон

Хуссар Иры театр байгом кӕндзӕн ног сезон

Sputnik Хуссар Ирыстон

Равдыстытӕ цӕудзысты хицауады архайгӕ барамындмӕ гӕсгӕ - залӕн йедзаг уыдзӕн ӕрмӕст йе 'мбис, ӕххӕст цӕудзысты эпидемиологон домӕнтӕ 09.09.2021 мӕ, Sputnik Хуссар Ирыстон

2021-09-09T14:57+0300

2021-09-09T14:57+0300

2021-09-09T14:59+0300

ног хабӕрттӕ

хуссар ирыстоны

культурӕ

https://cdnn1.img.sputnik-ossetia.ru/img/834/20/8342029_0:0:2304:1296_1920x0_80_0_0_dd4b5f4f032ede8d621ef104edbf8d01.jpg

ЦХИНВАЛ, 9 сен - Sputnik, Плиты Фатимӕ. Хуссар Ирыстоны паддзахадон драмон театр 17 сентябры бакӕндзӕн ног театралон сезон спектакль "Юлий Цезарь"-ӕй, фехъусын кодта Sputnik уагдоны аивадон къухдариуӕггӕнӕг Дзудцаты Тамерлан.Равдыстытӕ цӕудзысты хицауады архайгӕ барамындмӕ гӕсгӕ - залӕн йедзаг уыдзӕн ӕрмӕст йе 'мбис, ӕххӕст цӕудзысты эпидемиологон домӕнтӕ."Объективон аххосӕгтӕм гӕсгӕ геноцидӕн нывонд спектакль ныффӕстиат ис. Коронавирусы тыххӕй куыстӕй фӕиппӕрд сты цалдӕр сфӕлдыстадон кусӕджы. Уымӕ гӕсгӕ сезон кӕнӕм спектакль "Юлий Цезарь"-ӕй", - загъта Дзудцаты Тамерлан.Уый ма бафтыдта, ацы спектакль ногӕй кӕй сӕндидзын кодтой ацы уалдзӕджы.Аивадон къухдариуӕггӕнӕг ма радзырдта, ног сезоны фыццаг дыууӕ мӕйы репертуар кӕй у бӕрӕг - ӕвдыст цӕудзысты "Къоста", "Дон Жуан", "Ды мӕ куы уарзай", "Сӕтти ӕмӕ Бӕтти" ӕмӕ цалдӕр аргъауы.  Уагдоны ма бафтыдтой, спектакльтӕм билетты ӕргътӕ дӕр кӕй нӕ фӕивтой - раздӕрау сты 150-200 сомы, премьерон равдыстмӕ та -300 сомы.

https://sputnik-ossetia.com/20210907/Khussar-Iry-paddzakhadon-teatrm-rkhuydtoy-urseyag-rezhissery-12775339.html

2021

ног хабӕрттӕ

os_OS

ног хабӕрттӕ, хуссар ирыстоны, культурӕ