Цхинвалгӕрон экопарчы ныссадздзысты фыццаг талатӕ

Рафыссын
ЦХИНВАЛ, 29 окт - Sputnik, Плиты Фатимӕ. Хуссар Ирыстоны столицӕгӕрон уӕвӕг экопарчы организаци "Зеленая Алания" йӕ хӕлӕрттимӕ ныссадздзысты сыбыраг кедрты фыццаг талатӕ, фехъусын кодта Sputnik организацийы разамонӕг Габайты Зӕлинӕ.
Экологон акци ацӕудзӕн хуыцаубоны.
"Сыбыраг кедртӕ райстам проект "Уӕрӕсейы кедрт"-ӕй. Уый тынг сыгъдӕг кӕны уӕлдӕф ӕмӕ у тынг пайдаджын бӕлас. Хуыцаубоны сын сӕ иу хай садздзысты "Зеленая Алания"-йы активисттӕ ӕмӕ хӕлӕрттӕ - ӕдӕппӕт 20 адӕймаджы онг", - загъта уый.
Организацийы хистӕры ныхӕстӕм гӕсгӕ, фидӕны экопарчы уал нысадздзысты 300 талайы.
"Кӕд ма дзы аззайа кедрты талатӕй, уӕд сӕ фӕнд кӕнын ныссадзын Стыр парчы Цхинвалы", - бафтыдта Габайты Зӕлинӕ.
Цхинвал - Sputnik Хуссар Ирыстон, 1920, 26.10.2021
Хуссар Иры горӕтгӕрон сараздзысты экопарк
Кӕд талатӕн сӕ 70 процент сӕндидза, уӕд проект "Кедры России"-йы фӕлгӕтты хуссар Иры сифтонг кӕндзыстын талаты ног партийӕ.
Ног хабӕртты лентӕ
0