https://sputnik-ossetia.com/20220126/covid-19-ima-tokhy-afsad-kuyd-sfidar-is-khussar-iry-adzukhon-barkhionty-kord-15325211.html
COVID-19-имӕ тохы ӕфсад: куыд сфидар ис Хуссар Иры ӕдзухон бархионты къорд
COVID-19-имӕ тохы ӕфсад: куыд сфидар ис Хуссар Иры ӕдзухон бархионты къорд
Sputnik Хуссар Ирыстон
ЦХИНВАЛ, 26 янв – Sputnik, Плиты Фатимӕ. Хуссар Ирыстоны цӕрджытӕн коронавирус ӕрхаста зиӕнттӕ, фыдӕбӕттӕ ӕмӕ ссис лӕгдзинад ӕвзарӕн рӕстӕг. Пандемийы... 26.01.2022 мӕ, Sputnik Хуссар Ирыстон
2022-01-26T13:41+0300
2022-01-26T13:41+0300
2022-01-26T15:09+0300
хуссар ирыстоны
репортажтӕ
https://cdnn1.img.sputnik-ossetia.ru/img/07e6/01/1a/15327357_0:114:999:675_1920x0_80_0_0_2f918710f3d77e12be41f2719674abcb.jpg
ЦХИНВАЛ, 26 янв – Sputnik, Плиты Фатимӕ. Хуссар Ирыстоны цӕрджытӕн коронавирус ӕрхаста зиӕнттӕ, фыдӕбӕттӕ ӕмӕ ссис лӕгдзинад ӕвзарӕн рӕстӕг. Пандемийы райдайӕнӕй фӕстӕмӕ Цхинвалы сфидар ис волонтерон змӕлд. Ӕнӕзивӕг фӕсивӕд ӕхсӕвӕй-бонӕй куыстой "сырх зонӕйы" ӕмӕ дзы абон дӕр лӕггад кӕнынц коронавирусӕй фӕрынчынуӕвӕг адӕмӕн. Чи сты ӕмӕ цы архайынц низимӕ тохы ӕфсад, уый тыххӕй Sputnik радзырдта бархионтӕй иу Петроченко Андрей.Йӕ ныхӕстӕм гӕсгӕ, Хуссар Ирыстон пандемийы ахӕсты куы бахауд, уӕдӕй нырмӕ "сырх зонӕ"-ты медикты фарсмӕ слӕууыдысты волонтертӕ. Бархион кусджытӕ ӕххуыс кодтой дохтырты хӕслӕвӕрдтӕ ӕххӕст кӕнын, туаггуыры баллонтӕ хӕссын, уӕззау рынчынты иу бынатӕй иннӕмӕ кӕнынӕн. Коронавирусӕй рынчынты нымӕц куыд фылдӕр кодта, афтӕмӕй волонтерты нымӕц дӕр рӕзт, фӕлӕ уӕддӕр дыууӕ азы дӕргъы уым сфидар къорд, кӕцы ӕппынӕдзух ӕххуыс кӕнынц РБМЦ персонал ӕмӕ рынчынтӕн.Уымӕй дарддӕр Ирыстон фыццаг куы фембӕлд ацы низыл, уӕд бирӕ бӕрцӕй уыд ӕнӕзонгӕ, пациенттӕн тас саста сӕ тых, схӕцыд иу сыл ӕрхӕндӕг."Рынчынтимӕ-иу ныхас кодтам, хъазӕн ныхасӕй-иу сын сӕ зӕрдӕ 'лхӕдтам",- бафтыдта уый.Фыццаг рӕстӕг волонтерты нымӕц уыд бирӕ. Фӕлӕ фӕстӕдӕр куыст нывыл кодта ӕмӕ сӕ сӕр дӕр уый бӕрц нал хъуыд - рынчындонмӕ комкоммӕ ссыд туаггуыры лини. Ӕдзух ӕххуысгӕнджытӕ ма ныртӕккӕ сты 10-15 бӕрц."Ныр ма бацӕуӕм, медиктӕ нӕм куы фӕсидынц ӕххуысмӕ, ӕрмӕст уӕд. Фӕлӕ уымӕй размӕ ӕхсӕв дӕр лӕууыдыстӕм уым. Уыд нын штаб рынчындоны хӕрӕндоны", - загъта волонтер.Цалынмӕ Хуссар Ирыстоны территорийыл нӕ фӕзынд тӕссаг вирус, уӕдмӕ лӕппу куыста ацы фадыджы Мӕскуыйы.Ӕрӕджы фӕсивӕдон комитет хатдзӕгтӕ скодта ӕрвылазон преми "Азы адӕймаг"-ӕн. Ам азы сӕйраг волонтеры ном лӕвӕд ӕрцыд Дзабиты Русланӕн. Уый йӕхӕдӕг банымадта хорзӕх бархионтӕн иумӕйагыл."Тынг раст ӕй равзӕрстой. Уый фыццаг бонтӕй абоны онг ӕххуыс кӕны рынчынтӕн. Фӕлӕ ма уымӕй дарддӕр хорз равдыстой сӕхи Гуыбаты Таймураз, Гуыбаты Дауыт, Захаров Инал, Пухаты Алан, Тыбылты Алан, Тедеты Азӕмӕт, Гӕбӕраты Георгий, Тегкаты Азӕмӕт ӕмӕ ӕндӕртӕ", - ранымадта бархион.Ацы ӕвзонг волонтёртӕ ма канд "сырх зонӕ"-йы хъайтартӕ не ссисты, фӕлӕ ма ивгъуыд азы кӕрон зӕйы бын бахауӕг адӕм агурыны фӕдисмӕ бахӕццӕ сты фыццӕгтӕй.
https://sputnik-ossetia.com/20210112/Zakharov-volontert-kuystm-tsugau-rvylbon-fzynynts-Tskhinvaly-rynchyndony-11661970.html
https://sputnik-ossetia.com/20220102/khanykaty-larisa-syrkh-zona-yy-ana-volontertay-zyn-u-14999016.html
Sputnik Хуссар Ирыстон
media@sputniknews.com
+74956456601
MIA „Rosiya Segodnya“
2022
Sputnik Хуссар Ирыстон
media@sputniknews.com
+74956456601
MIA „Rosiya Segodnya“
ног хабӕрттӕ
os_OS
Sputnik Хуссар Ирыстон
media@sputniknews.com
+74956456601
MIA „Rosiya Segodnya“
Sputnik Хуссар Ирыстон
media@sputniknews.com
+74956456601
MIA „Rosiya Segodnya“
хуссар ирыстоны, репортажтӕ
хуссар ирыстоны, репортажтӕ
ЦХИНВАЛ, 26 янв – Sputnik, Плиты Фатимӕ. Хуссар Ирыстоны цӕрджытӕн коронавирус ӕрхаста зиӕнттӕ, фыдӕбӕттӕ ӕмӕ ссис лӕгдзинад ӕвзарӕн рӕстӕг. Пандемийы райдайӕнӕй фӕстӕмӕ Цхинвалы сфидар ис волонтерон змӕлд. Ӕнӕзивӕг фӕсивӕд ӕхсӕвӕй-бонӕй куыстой "сырх зонӕйы" ӕмӕ дзы абон дӕр лӕггад кӕнынц коронавирусӕй фӕрынчынуӕвӕг адӕмӕн. Чи сты ӕмӕ цы архайынц низимӕ тохы ӕфсад, уый тыххӕй Sputnik радзырдта бархионтӕй иу Петроченко Андрей.
Йӕ ныхӕстӕм гӕсгӕ, Хуссар Ирыстон пандемийы ахӕсты куы бахауд, уӕдӕй нырмӕ "сырх зонӕ"-ты медикты фарсмӕ слӕууыдысты волонтертӕ. Бархион кусджытӕ ӕххуыс кодтой дохтырты хӕслӕвӕрдтӕ ӕххӕст кӕнын, туаггуыры баллонтӕ хӕссын, уӕззау рынчынты иу бынатӕй иннӕмӕ кӕнынӕн. Коронавирусӕй рынчынты нымӕц куыд фылдӕр кодта, афтӕмӕй волонтерты нымӕц дӕр рӕзт, фӕлӕ уӕддӕр дыууӕ азы дӕргъы уым сфидар къорд, кӕцы ӕппынӕдзух ӕххуыс кӕнынц РБМЦ персонал ӕмӕ рынчынтӕн.
"Фыццаг рӕстӕг мах ифтонг кодтам "сырх зонӕ" туаггуыры баллонтӕй, стӕй ма уӕззау рынчынты кодтам иу хайадӕй иннӕмӕ. Иудзырдӕй, физикон ӕххуыс, фӕлӕ уымӕй ахсджиагдӕр уыд уый, ӕмӕ медиктӕ кӕй уыдтой мах ӕмӕ ӕмбӕрстой, ацы тохы иунӕг кӕй не сты", - радзырдта ӕвзонг лӕппу Петроченко Андрей.
Уымӕй дарддӕр Ирыстон фыццаг куы фембӕлд ацы низыл, уӕд бирӕ бӕрцӕй уыд ӕнӕзонгӕ, пациенттӕн тас саста сӕ тых, схӕцыд иу сыл ӕрхӕндӕг.
"Рынчынтимӕ-иу ныхас кодтам, хъазӕн ныхасӕй-иу сын сӕ зӕрдӕ 'лхӕдтам",- бафтыдта уый.
Фыццаг рӕстӕг волонтерты нымӕц уыд бирӕ. Фӕлӕ фӕстӕдӕр куыст нывыл кодта ӕмӕ сӕ сӕр дӕр уый бӕрц нал хъуыд - рынчындонмӕ комкоммӕ ссыд туаггуыры лини. Ӕдзух ӕххуысгӕнджытӕ ма ныртӕккӕ сты 10-15 бӕрц.
"Ныр ма бацӕуӕм, медиктӕ нӕм куы фӕсидынц ӕххуысмӕ, ӕрмӕст уӕд. Фӕлӕ уымӕй размӕ ӕхсӕв дӕр лӕууыдыстӕм уым. Уыд нын штаб рынчындоны хӕрӕндоны", - загъта волонтер.
Цалынмӕ Хуссар Ирыстоны территорийыл нӕ фӕзынд тӕссаг вирус, уӕдмӕ лӕппу куыста ацы фадыджы Мӕскуыйы.
"2020 азы Мӕскуыйы ацыдтӕн волонтерон курсытӕ, куыстон уым. Стӕй ардӕм куы ӕрцыдтӕн, уӕд мын уыцы фӕлтӕрддзинад дӕр феххуыс ис", - банысан кодта Петроченко.
Ӕрӕджы фӕсивӕдон комитет хатдзӕгтӕ скодта ӕрвылазон преми "Азы адӕймаг"-ӕн. Ам азы сӕйраг волонтеры ном лӕвӕд ӕрцыд Дзабиты Русланӕн. Уый йӕхӕдӕг банымадта хорзӕх бархионтӕн иумӕйагыл.
"Тынг раст ӕй равзӕрстой. Уый фыццаг бонтӕй абоны онг ӕххуыс кӕны рынчынтӕн. Фӕлӕ ма уымӕй дарддӕр хорз равдыстой сӕхи Гуыбаты Таймураз, Гуыбаты Дауыт, Захаров Инал, Пухаты Алан, Тыбылты Алан, Тедеты Азӕмӕт, Гӕбӕраты Георгий, Тегкаты Азӕмӕт ӕмӕ ӕндӕртӕ", - ранымадта бархион.
Ацы ӕвзонг волонтёртӕ ма канд "сырх зонӕ"-йы хъайтартӕ не ссисты, фӕлӕ ма ивгъуыд азы кӕрон зӕйы бын бахауӕг адӕм агурыны фӕдисмӕ бахӕццӕ сты фыццӕгтӕй.
