Хуссар Ир райсдзæн фыццаг лигъдæтты Донецкæй

© Sputnik / Natalia Airiyan Уазæгдон "Ирыстон"
Уазæгдон Ирыстон - Sputnik Хуссар Ирыстон, 1920, 24.02.2022
Бафыссын
Yandex newsTelegram
ЦХИНВАЛ, 24 фев – Sputnik, Гæбæраты Элина. Хуссар Ирыстоны Уæлвæткон уавæрты министрад цыппæрæмы арвыста транспорт Донбассæй лигъдæтты размæ, кæцытæ ныууагътой сæ хæдзæрттæ, регионы хæстон архæйдтытæ кæй райдыдтой, уый фæстиуæгæн. Уый тыххæй Sputnik фехъусын кодта республикæйы УУМ сæргълæууæджы фыццаг хæдивæг Бестауты Ацæмæз.

"Автобус УУМ æмæ ПАИ кусджытимæ ацыд ныридæгæн Донецкæй лигъдæтты размæ. Развæлгъау бæрæггæнæнтæм гæсгæ, сом Цхинвалмæ æрцæудзысты 60 адæймаджы онг - сæйраджыдæр сылгоймæгтæ æмæ сывæллæттæ", - загъта уый.

Лигъдæттæ, Бестауты Ацæмæзы ныхæстæм гæсгæ, æрцæрдзысты Хуссар Ирыстоны сæйраг горæты уазæгдæтты.
Цыппæрæмы райсомæй президент Бибылты Анатолий æдасдзинады советы экстренон рабадты бахæс кодта саразын оперштаб йæхи къухдариуæгадæй Донбасс æмæ Украинæйы сæвзæргæ уавæры тыххæй. Афтæ ма тыхон структурæтæ иууылдæр конд æрцыдысты казармæйон уавæрмæ.
Бибылты Анатолий - Sputnik Хуссар Ирыстон, 1920, 24.02.2022
Бибылты Анатолий расидт оперштабы арӕзтад ӕмӕ ракодта ӕфсад казармӕйон уавӕрмӕ
Ног хабӕртты лентӕ
0