Хуссар Иры ПӔК кусджытӕ сгарынц ЦӔК кусӕгон документацийы иу хай

© Sputnik / Диана КозаеваХуссар Иры ЦӔК пресс-центр
Хуссар Иры ЦӔК пресс-центр - Sputnik Хуссар Ирыстон, 1920, 17.03.2022
Бафыссын
Yandex newsTelegram
ЦХИНВАЛ, 17 мар – Sputnik, Козаты Диана. Хуссар Ирыстоны Паддзахадон ӕдасдзинады комитеты кусджытӕ уадзынц басгӕрст Централон ӕвзарон къамисы. Уагдонмӕ бацыд къамисы уӕнгтӕй иуы куырдиат, кӕцы фехъусын кодта, зӕгъгӕ, президенттӕм кандидаттӕй иуы документты хсӕнӕй фесӕфтысты цалдӕр сыфы къухфысттимӕ. Уый тыхӕй хъусын кӕны ПӔК пресс-службӕ.

"Банысангонд куырдиаты фӕлгӕтты уагдон расидт слестагъоммӕ басгӕрст, кӕцыйы рӕстӕджы уагъд ӕрцыдысты райдиан мадзӕлттӕ, се 'хсӕн ЦӔК кусӕгон документацийы иу хайы райст. Ныридӕгӕн дарддӕр уагъд цӕуынц мадзӕлттӕ, кӕцыты фӕстиуӕгӕн ист ӕрцӕудзӕн ӕмбӕлон скъуыддзаг", - банысан кодтой ПӔК пресс-службӕйы.

Уагдоны бахахх кодтой, ПӔК кӕй архайы республикӕйы закӕтты фӕлгӕтты, комитеты дӕлхайӕдтӕ объективонӕй сгарынц, паддзахадон ӕдасдзинад сифтонг кӕнынмӕ цы хауы, уыцы ӕрмӕджытӕ иууылдӕр.
Ног хабӕртты лентӕ
0