Ӕхсӕнадӕмон организаци баххуыс кодта Хуссар Иры ӕвӕгӕсӕг адӕмӕн

© Из архива М. ТедетыМККК в Южной Осетии раздали помощь малоимущим
МККК  в Южной Осетии раздали помощь малоимущим  - Sputnik Хуссар Ирыстон, 1920, 22.03.2022
Бафыссын
Yandex newsTelegram
ЦХИНВАЛ, 22 мар - Sputnik, Плиты Фатимӕ. Сырх дзуары ӕхсӕнадӕмон комитеты миссийы минӕвӕрттӕ Цхинвалы байуӕрстой республикӕйы ӕххуысхъуаг адӕмӕн хӕлцадон продукттӕ ӕмӕ гигиенӕйы фӕрӕзтӕ, фехъусын кодта миссийы ӕхсӕнадимӕ бастдзинадты фӕдыл специалист Тедеты Марина.
Ӕдӕппӕтӕй ӕххуыс байуӕрстой 239 адӕймагыл, уыдонӕй 68 цӕрынц Цхинвалы, Цхинвалы районы - 61, Дзауы районы - 21, Знауыры район - 50 ӕмӕ Ленингоры районы та 39.
"Ацы номхыгъды ис ахӕм адӕм, кӕцытӕн сӕ мӕйы ӕфтиаг нӕ хизы ӕртӕ мин ӕмӕ 700 сомӕй фылдӕр. Хӕлцад ӕмӕ гигиенӕйы фӕрӕзтӕ нымад сты ӕртӕ мӕйыл", - загъта Марина Тедеты.
Уый бафиппайдта, ацӕргӕ ӕмӕ ӕххуысхъуаг бинонтӕй дарддӕр ма сӕ бӕрны кӕй ис, сӕ пенситӕ ӕмӕ социалон фиддонтӕ райсын сӕ бон кӕмӕн нӕу, ахӕм категоритӕ.
"140 адӕймагӕн ӕхгӕд арӕны аххосӕй сӕ пенситӕ ӕмӕ социалон фиддонтӕ райсын сӕ бон нӕу, уыдонӕн Сырх дзуары комитеты мисси фарон баххуыс кодта дыууӕ хатты. Фӕлӕ хицауады архайды руаджы, уыдон цадӕггай хаст цӕуынц республикӕйы социфтонгады системӕмӕ", - бафтыдта миссийы минӕвар.
Сырх Дзуары комитет радта Югосетпотребнадзорӕн ифтонггарз ПЦР-лабораторийӕн - Sputnik Хуссар Ирыстон, 1920, 16.12.2021
Сырх Дзуары комитет радта Югосетпотребнадзорӕн ифтонггарз ПЦР-лабораторийӕн
Ног хабӕртты лентӕ
0