Цхинвалы цӕуынц интеллектуалон хъӕзтытӕ скъоладзаутӕн

© Sputnik / Natalia Airiyan Скъоладзаутӕ
Скъоладзаутӕ - Sputnik Хуссар Ирыстон, 1920, 24.03.2022
Бафыссын
Yandex newsTelegram
ЦХИНВАЛ, 24 мар — Sputnik, Хъуылымбегты Зӕлинӕ. Хуссар Ирыстоны сӕйраг сахары Сывӕллӕтты сфӕлдыстадон галуаны (ССГ) цӕуынц интеллектуалон хъӕзтытӕ скъолаты ахуырдзаутӕн, фехъусын кодта Sputnik ССГ директоры хӕдивӕг Ӕрсойты Зӕринӕ.
Йӕ ныхӕстӕм гӕсгӕ, интеллектуалон хъӕзтытӕ сты ирон ӕмӕ уырыссаг ӕвзӕгтӕй, истори, литературӕ, алфӕмбылай дунейӕ ӕмӕ нымад сты алыгъуызон категориты сывӕллӕттӕн - уый мидӕг уыд организаторты сӕйраг хӕс.
"Хӕслӕвӕрдтӕ вӕййынц алыгъуызон, зӕгъӕм, сраст кӕнын авторы бандӕргъуызӕнгонд ӕмдзӕвгӕ ӕмӕ йӕ радзурын. Науӕд та нывмӕ гӕсгӕ базонын уырыссаг адӕмон аргъау", - загъта Ӕрсойты Зӕринӕ.
Ӕрвылаз дӕр конкурсты хайад райсынц 60 скъоладзауӕй фылдӕр, се хсӕн алы кары сывӕллӕттӕ дӕр. Ацы аз финалон хъӕзтытӕ ацӕудзысты майы, уӕд фӕбӕрӕг уыдзысты уӕлахиздзаутӕ дӕр.
Ног хабӕртты лентӕ
0