Митуард хъыгдары: Синагурмӕ нырма нӕ айгӕрстой фӕндаг

© Sputnik / Natalia AiriyanМитуард
Митуард - Sputnik Хуссар Ирыстон, 1920, 27.03.2022
Бафыссын
Yandex newsTelegram
ЦХИНВАЛ, 27 мар - Sputnik, Плиты Фатимӕ. Хуссар Ирыстоны Дзауы районы Синагурмӕ фӕндагӕн цы хай ссыгъдӕг кодтой, уый дӕр фӕстӕмӕ бамбӕрзта митӕй, фехъусын кодтой Sputnik фӕндӕгты арӕзтады комитеты.

"Фӕндагон службӕтӕ знон цы расыгьдӕг кодтой, уый дӕр фӕстӕмӕ митӕй бамбӕрзта. Мӕ бон нӕу фидарӕй зӕгъын, кӕд байгом уыдзӕн фӕндаг. Ацы бонты боныгъӕд хъуамӕ фӕхуыздӕр уа, уӕд нӕ бон суыдзӕн алыг кӕнын проблема", - загътой Sputnik уагдоны.

Адӕмӕн фӕуыд кӕнынц сӕ хӕлцады хӕрдзтӕ ӕмӕ фосы холлаг. Синагуры хаххыл ис хъӕутӕ Карзман, Жалабет ӕмӕ Теделет. Ам ӕмткӕй цӕры 57 хӕдзары, стӕй ма дзы кусы арӕнхъахъхьӕнджыты пункт. Къуайсайӕ сты 20 километры мидӕгдӕр ӕвӕрд.
"Абон сӕм уӕлвӕткон уавӕрты министрад хъуамӕ фӕхӕццӕ кӕна ӕнӕмӕнгхъӕуӕг хӕлцад ӕмӕ цӕмӕй тыхсынц, уый", - загътой Sputnik Дзауы районы пресс-службӕйы.
Хуссар Ирыстоны Дзауы районы Синагуры хъӕууон администрацийы хъӕутӕм фӕндаг нӕй ныр ӕртыккаг къуыри.
Арæнгæрон царды хицæндзинæдтæ - Синагур æмæ Теделет
Ног хабӕртты лентӕ
0