Президентон ӕвзӕрстыты бон Цхинвалы кусдзӕн ЦӔК пресс-центр

© SputnikЦӔК пресс-центр
ЦӔК пресс-центр - Sputnik Хуссар Ирыстон, 1920, 05.04.2022
Бафыссын
Yandex newsTelegram
ЦХИНВАЛ, 5 апр — Sputnik, Козаты Диана. Централон ӕвзарӕн къамисы (ЦӔК) информацион пресс-центр райдайдзӕн кусын Хуссар Ирыстоны президенты ӕвзӕрстыты бон. Уый байгом уыдзӕн республикон библиотекӕйы бӕстыхайы Цхинвалы, фехъусын кодта ЦӔК секретарь Аулохты Кристина.
Пресс-центрмӕ цӕудзӕн алы информаци дӕр хъӕлӕсдӕттыны фӕдыл, ацы ран ма уагъд цӕудзӕн комкоммӕ трансляци ӕвзарӕн фадгуытӕй, цӕстдарджытӕ ӕмӕ ЦӔК разамонӕджы брифингтӕ.
Централон ӕвзарӕн къамис - Sputnik Хуссар Ирыстон, 1920, 01.04.2022
ЦӔК фехъусын кодтой, цал цӕстдарӕджы ӕрцӕудзӕн Хуссар Ирмӕ президенты ӕвзӕрстытӕм
Республикӕ Хуссар Ирыстоны хуыцаубоны ацӕудзысты президентон ӕвзӕрстытӕ. Паддзахады сӕргълӕууӕджы бынатмӕ претенденттӕ сты ныры президент Бибылты Анатолий, парламенты дыууӕ депутаты Мулдарты Гарри ӕмӕ Плиты Александр, парламентон парти "Ныхас"-ы лидер Гаглойты Алан ӕмӕ экс-депутат Тасойты Дмитрий.
Ӕвзарджытӕн схъӕлӕс кӕныны фадат уыдзӕн 76 ӕвзарӕн фадыджы: уыдонӕй 72 байгом уыдзысты республикӕйы территорийыл, ноджы цыппар фӕсарӕнты. Ӕдӕппӕт мыхуыргонд ис 40 мин ӕвзарӕн бюллетены.
Ног хабӕртты лентӕ
0