https://sputnik-ossetia.com/20220411/khussar-iry-ragondar-informatsiyy-faraz-nysan-kany-ya-90-yubiley-16266800.html
Хуссар Иры рагондӕр информацийы фӕрӕз нысан кӕны йӕ 90 азы юбилей
Хуссар Иры рагондӕр информацийы фӕрӕз нысан кӕны йӕ 90 азы юбилей
Sputnik Хуссар Ирыстон
ЦХИНВАЛ, 11 апр — Sputnik, Плиты Фатимӕ. Хуссар Ирыстоны паддзахадон радио "Ир" нысан кӕны йӕ 90 азы юбилей. 11.04.2022 мӕ, Sputnik Хуссар Ирыстон
2022-04-11T12:13+0300
2022-04-11T12:13+0300
2022-04-11T11:59+0300
хуссар ирыстоны
ног хабӕрттӕ
https://cdnn1.img.sputnik-ossetia.ru/img/07e5/03/16/11977391_0:0:1280:720_1920x0_80_0_0_4de036069d52781f53b7ba764ccb205c.jpg
ЦХИНВАЛ, 11 апр — Sputnik, Плиты Фатимӕ. Хуссар Ирыстоны паддзахадон радио "Ир" нысан кӕны йӕ 90 азы юбилей.Ирыстоны хуссары рагондӕр информацийы фӕрӕзӕн йӕ разамонӕг Цхуырбаты Аланы ныхӕстӕм гӕсгӕ, уагдоны нывыл куыстӕн нӕ фаг кӕны дыууӕ компоненты - кадртӕ ӕмӕ контент.Уый ма бафиппайда, радиойы ӕдзухон проблемӕйӕн йӕ кӕрон нырма дӕр нӕ зыны."Радиойы фидиуӕн раздӕрау ӕгас республикӕйыл не 'ххӕссы. Цалдӕр мӕйы размӕ нӕ ныхас айхъуыст Ленингормӕ. Катайаг у Къуыдаргомы нырма дӕр радио кӕй нӕ кусы, мӕгуырау гъӕд йын ис Дзау ӕмӕ Знауыры районы дӕр", - бафтыдта уый.Уымӕ ӕнӕкӕсгӕйӕ, радио иу бынаты никуы лӕууы. Информацион службӕйы ӕддейӕ ма эфиры цӕуынц алыхуызон алӕвӕрттӕ зайӕгойты тыххӕй, музыкӕйыл, филологийы фарстытыл.Радио "Ир"-ы коллектив къуырисӕры нысан кӕны йӕ равзӕрды бон. 90 азы дӕргъы хӕсы ӕхсӕнадӕн ног хабӕрттӕ ӕмӕ хорз зӕрдӕйы равг. Ис йын хъӕзныг музыкалон къӕбиц, эфир баххӕст кӕнынц алыгъуызон рубрикӕтӕй. "Ир" фыццаг хатт айзӕлд 1932 азы 11 апрелы ӕмӕ уыцы цау республикӕйы ӕппӕт цӕрджытӕн дӕр уыд бӕрӕгбонау. Радиокомитеты уӕд куыста ӕдӕппӕт цыппар адӕймаджы.Уӕдӕй фӕстӕмӕ радиойы куысты 'рцыд стыр ивындзинӕдтӕ. "Ир" рахызт куыд йӕ популярондзинады иуыл бӕрзонд къӕпхӕныл, афтӕ йӕ рӕстӕгмӕ аныгуылдтыты сӕрты дӕр. Ивгъуыд ӕнусы 90-ӕм азты уӕззау хӕстон уавӕрты паддзахадон радиойы куыст бынтондӕр ныммыр ис. Уыцы рӕстӕджыты фӕзындысты ног хӕдбар радиотӕ "Айзӕлд" ӕмӕ "Нӕу улӕн", фӕлӕ уыдоны "цард" дӕр бирӕ нӕ ахаста. Паддзахадон радио "Ир" та йӕ куыст сног кодта 2007 азы кӕрон, Паддзахадон телерадиокомпани "Ир"-ы уӕды директоры хӕдивӕг Кошты Къоста ӕмӕ радиоамонӕг Куымӕридтаты Донарӕйы фӕрцы.
https://sputnik-ossetia.com/20200427/Ir-Fm-sotsialon-khyzgty-Khussar-Iry-paddzakhadon-radio-bakodta-nog-proekt-10488367.html
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
2022
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
ног хабӕрттӕ
os_OS
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
хуссар ирыстоны, ног хабӕрттӕ
хуссар ирыстоны, ног хабӕрттӕ
ЦХИНВАЛ, 11 апр — Sputnik, Плиты Фатимӕ. Хуссар Ирыстоны паддзахадон радио "Ир" нысан кӕны йӕ 90 азы юбилей.
Ирыстоны хуссары рагондӕр информацийы фӕрӕзӕн йӕ разамонӕг Цхуырбаты Аланы ныхӕстӕм гӕсгӕ, уагдоны нывыл куыстӕн нӕ фаг кӕны дыууӕ компоненты - кадртӕ ӕмӕ контент.
"Куыд ӕмбӕлы афтӕ, ома бӕрзонд ӕмвӕзадыл нӕ кусы. Дыууӕ хъуыддаг ӕй фӕстиад кӕны - кадртӕ ӕмӕ контент. Кусджытӕ кӕдӕм райсӕм, уый нын нӕй, стӕй вӕййынц ӕдзӕттӕ - республикӕйы нӕй цӕттӕгӕнӕн бындур", - загъта Цхуырбаты Алан.
Уый ма бафиппайда, радиойы ӕдзухон проблемӕйӕн йӕ кӕрон нырма дӕр нӕ зыны.
"Радиойы фидиуӕн раздӕрау ӕгас республикӕйыл не 'ххӕссы. Цалдӕр мӕйы размӕ нӕ ныхас айхъуыст Ленингормӕ. Катайаг у Къуыдаргомы нырма дӕр радио кӕй нӕ кусы, мӕгуырау гъӕд йын ис Дзау ӕмӕ Знауыры районы дӕр", - бафтыдта уый.
Уымӕ ӕнӕкӕсгӕйӕ, радио иу бынаты никуы лӕууы. Информацион службӕйы ӕддейӕ ма эфиры цӕуынц алыхуызон алӕвӕрттӕ зайӕгойты тыххӕй, музыкӕйыл, филологийы фарстытыл.
Радио "Ир"-ы коллектив къуырисӕры нысан кӕны йӕ равзӕрды бон. 90 азы дӕргъы хӕсы ӕхсӕнадӕн ног хабӕрттӕ ӕмӕ хорз зӕрдӕйы равг. Ис йын хъӕзныг музыкалон къӕбиц, эфир баххӕст кӕнынц алыгъуызон рубрикӕтӕй.
"Ир" фыццаг хатт айзӕлд 1932 азы 11 апрелы ӕмӕ уыцы цау республикӕйы ӕппӕт цӕрджытӕн дӕр уыд бӕрӕгбонау. Радиокомитеты уӕд куыста ӕдӕппӕт цыппар адӕймаджы.
Уӕдӕй фӕстӕмӕ радиойы куысты 'рцыд стыр ивындзинӕдтӕ. "Ир" рахызт куыд йӕ популярондзинады иуыл бӕрзонд къӕпхӕныл, афтӕ йӕ рӕстӕгмӕ аныгуылдтыты сӕрты дӕр. Ивгъуыд ӕнусы 90-ӕм азты уӕззау хӕстон уавӕрты паддзахадон радиойы куыст бынтондӕр ныммыр ис. Уыцы рӕстӕджыты фӕзындысты ног хӕдбар радиотӕ "Айзӕлд" ӕмӕ "Нӕу улӕн", фӕлӕ уыдоны "цард" дӕр бирӕ нӕ ахаста. Паддзахадон радио "Ир" та йӕ куыст сног кодта 2007 азы кӕрон, Паддзахадон телерадиокомпани "Ир"-ы уӕды директоры хӕдивӕг Кошты Къоста ӕмӕ радиоамонӕг Куымӕридтаты Донарӕйы фӕрцы.
