Цхинвалы районы 14 хъӕууон администраци ӕмӕ иу фермер райстой фӕсарӕйнаг фӕткъуыйы талатӕ

© Sputnik / Наталья АйриянХелчуа
Хелчуа - Sputnik Хуссар Ирыстон, 1920, 15.04.2022
Рафыссын
ЦХИНВАЛ, 15 апр — Sputnik, Плиты Фатимӕ. Хуссар Ирыстон Ставрополӕй лӕварӕн цы фӕткъуыйы талатӕ райста, уыдон Цхинвалы район уары хъӕууон администрацитыл ӕмӕ фермертыл. Уый тыххаей Sputnik радзырдтой районы администрацийы хъӕууон хӕдзарады хайады.
Ацы къуыри Хуссар Ирыстоны хъӕууон хӕдзарады министрад райста сӕрдыгон фӕткъуыйы ӕхсӕз мин талайы. Уыдон дих цӕуынц цыппар районыл иугъуызонӕй. Майрӕмбоны хъӕууон хӕдзарады министрад уары талатӕ сӕ хицӕуттыл.

"Мах аскъуыддзаг кодтам уыдон радтын комкоммӕ 14 хъӕууон администрацийӕн ӕмӕ иу фермер - Икъаты Ибрагимӕн. Уыдон абон сӕ талаты хӕйттӕ исынц министрады базӕйӕ", - банысан кодта агентады ныхасӕмбал.

Талатӕ Хуссар Ирыстонӕн балӕвар кодта Ставрополы крайы губернатор Владимир Владимиров. Ацы мыггаг хӕссы стыр тыллӕг, йӕ дыргътӕ рӕгъӕд кӕнынц тагъд. Хуссар Ирыстоны климаты хорз зайынц.
Икъаты Ибрагим Дменисы сӕндидзын кодта зӕхкуыст - Sputnik Хуссар Ирыстон, 1920, 10.04.2020
Фӕткъуы, сӕнӕфсир ӕмӕ халсар: Икъаты Ибрагим Дменисы сӕндидзын кодта зӕхкуыст
Республикӕйы фӕстаг рӕстӕджы стыр хъусдард здӕхт цӕуы фӕткъуыдарды куыстмӕ, ӕххӕст цӕуынц егъау проекттӕ - "Сады Ирыстона" ӕмӕ "Южный сад". Дыккагӕн Цъунармӕ хӕстӕг ис ӕнӕкӕрон быдыртӕ, кӕцытӕ ныр цалдӕр азы хӕссынц тоннӕгай тыллӕг. Сӕ фӕткъуыйӕ ӕрвылаз дӕр байуарынц социалон нысаниуӕджы объекттыл, ӕрвыст дзы цӕуы экспортмӕ дӕр.
Фыццаг хӕдзарады куыст цӕуы мӕгуыраудӕр, дӕргъвӕтин рӕстӕг ӕнӕркаст кӕй баззад, уымӕ гӕсгӕ сӕ тыллӕг ныффӕстиад ис.
Ног хабӕртты лентӕ
0