Дыууӕ авари ӕмӕ иу фыдракӕнд: Хуссар Иры МХМ къуырийы криминогенон уавӕры тыххӕй

© Sputnik / Наталья АйриянМилици
Милици - Sputnik Хуссар Ирыстон, 1920, 18.04.2022
Рафыссын
ЦХИНВАЛ, 18 апр – Sputnik. Хуссар Ирыстоны ивгъуыд къуыри ӕрцыд дыууӕ фӕндагон-транспортон цауы, уыдон фӕстиуӕгӕн бахъыгдард иу адӕймаг. Афтӕ ма ӕрцыд иу фыдракӕнд. кӕцыйы рабӕрӕг кодтой мидхъуыддӕгты органтӕ, хъусын кӕны къуырисӕры республикӕйы МХМ пресс-службӕ.
Хъусинагӕй ма куыд бӕрӕг у, афтӕмӕй фӕндагон змӕлды ӕдасдзинадмӕ хъусдарды рӕстӕджы Паддзахадон автоинспекцийы кусджытӕ сбӕрӕг кодтой 326 фӕткхӕлды.
"Дӕс шофыры ныхмӕ сарӕзтӕуыд административон протоколтӕ хӕдтулгӕтӕ нозтджынӕй скъӕрыны тыххӕй. Фӕндаджы ныхмӕвӕрд тагмӕ рахизыны тыххӕн инспектортӕ бӕрнмӕ ӕркодтой ӕхсӕз шофыры, светофоры сырх рухсыл ахизыны тыххӕй - 43 , ӕнӕ шофыры бартӕй скъӕрджыты нымӕц та уыд 47", - дзырдӕуы хъусинаджы.
Уагдоны ма бафтыдтой, республикӕйы сӕйраг горӕты ӕхсӕнадон фӕтк фехалыны тыххӕй тӕрхондон ӕртӕ ӕмбӕстагӕн кӕй рахаста административон ӕфхӕрд.
Ног хабӕртты лентӕ
0