Гаглойты Маирбег: куыст цӕуы "Ӕдас горӕт" баиу кӕныны кӕройнаг этапыл

Гаглойты Маирбег: куыст цӕуы "Ӕдас горӕт" баиу кӕныны кӕройнаг этапыл
Бафыссын
Yandex newsTelegram
Хуссар Ирыстоны Мидхъуыддӕгты министрад ӕмӕ Интернет-провайдер "Юг-Телеком"-ы ӕхсӕн бафыстгонд бадзырдтӕ цы системӕ рагхыгъд кӕнын, уый у Уӕрӕсейы апаратон комплекс "Ӕдас горӕт"-ы аналог, фехъусын кодта МХМ фӕткхъахъхъӕнынады управленийы сӕргълӕууӕг Гаглойты Маирбег.
"Ацы программӕ техникон хӕслӕвӕрдмӕ гӕсгӕ дих у ӕртӕ этапыл. Ныридӕгӕн уал дзы арӕзт ӕрцыд дыууӕ этапы", - загъта Гаглойты Маирбег.
Уый банысан кодта, фыццаг этапмӕ кӕй бахаудысты техникон ӕмӕ бынӕттӕ бацӕттӕ кӕныны куыстытӕ. Дыккаг этапы фӕлгӕтты сӕвӕрдтой камерӕтӕ, кӕцытӕ бӕрӕг кӕнынц хӕдтулгӕты змӕлды тагъдзинад горӕты мидӕг.
"Горӕты ныридӕгӕн тагъд цы хӕдтулгӕтӕ цӕуынц, уыдон бӕрӕг кӕнын у нӕ бон, ӕмӕ фиксаци цӕуынц сӕ фӕткхӕлдтытӕ", - бафиппайдта управленийы сӕргълӕууӕг.
Ӕртыккаг этапмӕ та, Гаглойты Маирбеджы ныхӕстӕм гӕсгӕ, хауы сӕвӕрын камерӕтӕ, бирӕ адӕм арӕх кӕм ӕрбамбырд вӕййынц, уым, цӕмӕй мидхъуыддӕгты органты кусджытӕн сӕ бон уа реалон рӕстӕджы сӕ хъус дарын фӕткмӕ.
Ног хабӕртты лентӕ
0