Цхинвайлаг чысыл Гӕбӕраты Сосланӕн схос кӕндзысты Германийы клиникӕйы

© Fotolia / EdwardoliveВрач в больничной палате
Врач в больничной палате - Sputnik Хуссар Ирыстон, 1920, 21.04.2022
Рафыссын
ЦХИНВАЛ, 21 апр - Sputnik, Плиты Фатимӕ. Цхинвайлаг авдаздзыд лӕппу Гӕбӕраты Сосланӕн схос кӕндзысты Германы клиникӕтӕй сӕ иуы. Операцийӕн ӕнӕмӕнгхъӕугӕ фӕрӕзтӕ ӕрӕмбырд кодта Цӕгат Ирыстоны ӕхсӕнадон хӕрзаудӕн фонд "Быть добру".
Авдаздзыд лӕппуйӕн ныры онг сарӕзтӕуыд ӕртӕ операци Уӕрӕсейы Бакулевы номыл центры ӕмӕ иу та Берлины зӕрдӕйы низты центры. Сосланы радон операцийӕн хъӕуы 83 996 евро.

"Ӕнӕмӕнгхъӕугӕ суммӕ ӕмбырд ӕрцыд. Цӕттӕ кӕнынц ӕмбӕлон документтӕ ӕмӕ фӕрӕзтӕ къуырийы кӕронмӕ уыдзысты хыгъдыл Германы клиникӕйы", - загъта Sputnik организацийы минӕвар Хъуысаты Амурхан.

Чысыл Гӕбӕраты Сосланы зӕрдӕнизӕй фервӕзын кӕныны хъӕппӕрис ссис Ирыстоны иумӕйаг рис. Фонд "Быть добру" фӕрӕзтӕ ӕмбырд кӕныны рӕстӕгмӕ йӕ сӕрмагонд сайтыл сӕвӕрдта авдаздзыд Сосланы хуызист, диагноз ӕмӕ хыгъд, кӕцымӕ гӕнӕн уыд арвитын ӕххуыс.
"Тынг зӕрдӕхӕлар адӕм ис Ирыстоны хуссар ӕмӕ цӕгаты, стӕй ма ӕмткӕй Уӕрӕсейы дӕр. Мах фараст азы дӕргъы кусӕм ӕмӕ ацы рӕстӕгмӕ бантыст баххуыс кӕнын мингай сывӕллӕттӕн", - бафтыдта уый.
Цхинвал - Sputnik Хуссар Ирыстон, 1920, 15.02.2022
Хуссар Иры расидтысты хӕрзаудӕн акци чысыл лӕппуйӕн хос кӕнынӕн
Хӕрзгӕнджытӕ сӕ авналӕнтӕм гӕсгӕ хастой ӕхца, чи лӕггад кодта стыр суммӕйӕ, чи та къаддӕрӕй.
"Алкӕмӕй дӕр бузныг стӕм. Кӕмӕндӕр сӕдӕ сом дӕр стыр ӕхца у, аннӕмӕн та милуан сом уадиссаг ахадгӕ нӕу. Мах бузныг стӕм, иу сом чи рахицӕн кодта лӕппуйӕн ӕмӕ йын иу милуан чи радта, уыцы сылгоймагӕй дӕр. Нӕ хӕрзгӕнджыты нӕ дих кӕнӕм", - загъта хӕрзаудӕн фонды минӕвар.
Чысыл лӕппу Гӕбӕраты Сосланӕн фӕрӕзтӕ ӕмбырды охыл хӕрзаудӕн мадзӕлттӕ ацыдысты Цхинвалы дӕр, уыдонӕй иуы архайӕг уыд сывӕллон йӕхӕдӕг дӕр. Лӕппу ссыд Цхинвалы сӕрмӕ фӕлгӕсӕн фӕзуатмӕ, цы ран расидтысты ӕфснайӕн зиу.
Уӕд бантыст ӕрӕмбырд кӕнын 130 мин сомы, уыдонӕн сӕ фылдӕр хай радтой Хуссар Ирыстоны Цъинагары хъӕуы кафты ансамбль "Арвырон".
Пересчет денег  - Sputnik Хуссар Ирыстон, 1920, 21.02.2022
Цъинагары ансамбль "Арвырон" ӕрӕмбырд кодта егъау суммӕ Гӕбӕраты Сосланӕн хос кӕнынӕн
Ног хабӕртты лентӕ
0