https://sputnik-ossetia.com/20220503/zakhkhankuysty-fastiuag-kuyd-falasta-tskhinvaly-fallag-farsy-patsayy-don-16522850.html

Дзауы зӕххӕнкъуысты фӕстиуӕг: куыд фӕласта Цхинвалы Фаллаг фарсы Пацъайы дон

Дзауы зӕххӕнкъуысты фӕстиуӕг: куыд фӕласта Цхинвалы Фаллаг фарсы Пацъайы дон

Sputnik Хуссар Ирыстон

ЦХИНВАЛ, 3 май - Sputnik, Плиты Фатимӕ. Хуссар Ирыстоны 1991 азы 29 апрелы Дзауы районы зӕххӕнкъуыст йӕ фыдбылызтӕй дарддӕр йӕ фӕстӕ ныууагъта стыр тас ног... 03.05.2022 мӕ, Sputnik Хуссар Ирыстон

2022-05-03T11:11+0300

2022-05-03T11:11+0300

2022-05-04T13:44+0300

репортажтӕ

хуссар ирыстоны

дзауы район

https://cdnn1.img.sputnik-ossetia.ru/img/1034/97/10349768_0:0:3071:1728_1920x0_80_0_0_32978dc8f658e8c0d33e17c4a12816b3.jpg

ЦХИНВАЛ, 3 май - Sputnik, Плиты Фатимӕ. Хуссар Ирыстоны 1991 азы 29 апрелы Дзауы районы зӕххӕнкъуыст йӕ фыдбылызтӕй дарддӕр йӕ фӕстӕ ныууагъта стыр тас ног ӕрдзон бӕллӕхӕй. Цӕугӕдон Пацъайыл сырӕзт егъау цад, уый къуырийы бӕрц тасы дардта ӕгас столицӕйы цӕрджыты - донӕмбырдгӕнӕн куы ратыдтаид, уӕд горӕты иу хайӕн аласынӕй уыд тас.31 азы размӕ зӕххӕнкъуысты эпицентр 9 баллы магнитудӕйы уыд Дзауы районон центры цур. Поселок ныппырх, Хахеты хъӕу та ацыд зӕххы бын йӕ 42 цӕрӕгимӕ. Уыимӕ иумӕ зӕй ӕрӕхгӕдта цӕугӕ дон Пацъайы донвӕд. Цыбыр рӕстӕгмӕ уым сырӕзт егъау цад.Этонграф ӕмӕ историон зонӕдты кандидат Хъуылымбегты Роберт хорз бахъуыды кодта зӕххӕнкъуыст ӕмӕ йӕ фӕстиуджытӕ."Дзауы ахӕм бӕллӕх куы рцыд, уӕд адӕм фӕдисы агуылф кодтой уырдӕм комкоммӕ гуырдзиаг хъӕутыл. Уым цӕрӕг гуырдзиӕгтӕ та ссыгътой цырӕгътӕ - уыдон ацы фыдбылыз банымадтой афтӕ, зӕгъгӕ, Хуыцау ирӕтты бафхӕрдта. Фӕлӕ сӕ цин бирӕ нӕ ахаста, дыккаг зӕххӕнкъуыст тынг бафхӕрдта гуырдзиаг хъӕуты дӕр'', - радзырдта уый.Ӕрдзон бӕллӕхы фӕстиуӕгӕн сывзӕргӕ цад бындурон нӕ уыд ӕмӕ ӕрвылбон дӕр тас уыд йӕ ратонынӕй. Уымӕ гӕсгӕ 5 майы аскъуыддзаг кодтой йе спырх кӕнын."Цалынмӕ нӕ байдзаг, уӕдмӕ йӕ спырх кодтой Уӕрӕсейы ӕфсады саперон хайад, уыдон хорз ифтонг уыдысты. Развӕлгъау бафӕдзӕхстой адӕмы, уӕлдай тас уыд Цхинвалы Фаллаг фарсы цӕрджытӕн", - бафтыдта уый.Афтӕ дӕр ӕрцыд. Изӕрмилты Леуахийы донвӕд афтӕ байдзаг ӕмӕ Фаллаг фарс дӕр фӕласта.Фаллаг фарс уӕд цард фыссӕг Тадтаты Тамерлан. Уый ацы цаутӕн снывонд кодта радзырд дӕр. Уый уӕд йӕ мад ӕмӕ сыхӕгтимӕ бахауд эвакуацийы. Донивылды рӕстӕджы скодта хурбон. Фаллаг фарсы цӕрджытӕ сӕ мулк рахастой ӕмӕ сӕхи бааууон кодтой ТЭК-мӕ хӕстӕг къуыппыл. Фыдыбӕстӕ хъахъхъӕнджытӕ ссыдысты ӕд хӕцӕнгӕрзтӕ."Уӕрӕсейӕг ӕфсӕддонтӕ нӕ фӕдзӕхстой, зӕгъгӕ, дон куы ратона, уӕд стыр бӕллӕхы хауӕм, фӕлӕ нӕ зӕрдӕ лӕууыд ууыл, ӕмӕ уал фыццаг гуырдзиаг хъӕутӕ кӕй фӕласдзӕн - Чъех, Тамарашен ӕмӕ Ачабеты. Уымӕ бӕллыдысты хӕстонтӕ. Фӕлӕ Гуырдзы дӕр сӕхи бааууон кодтой уым Уыдон дӕр уыдысты хотыхджын, фӕлӕ ӕрдзон тых уыцы уысм мах ӕрсабыр кодта рӕстӕгмӕ", - дзуры фыссӕг.Донивылд ахаста цалдӕр сахаты, стӕй йӕ фӕстӕ та адӕм аргъ кодтой, цы фесӕфтой, уымӕн."Нӕ хӕдзар аирвӕзт, фӕлӕ сыхаг дукани, цымӕ йӕ быныл алыг кодтой, афтӕ уыд", - балхынцъ кодта уый.Зӕххӕнкъуысты доны рауагъды фӕстӕ дӕр Пацъайы баззад цад, уый фӕстӕдӕр ссис улӕфӕн зонӕ, фӕлӕ абон цӕмӕдӕр гӕсгӕ рохуаты аззад цӕрджытӕй.

https://sputnik-ossetia.com/20220429/zakhkhankuyst-myn-ma-sar-surs-kodta-tskhuyrbaty-tamerlany-mysinagta-dzauy-ballakhy-fadyl-16513617.html

https://sputnik-ossetia.com/20220429/khussar-iry-mysynts-dzauy-1991-azy-zakhkhankuysty-amattagty-16518260.html

2022

ног хабӕрттӕ

os_OS

репортажтӕ, хуссар ирыстоны, дзауы район