https://sputnik-ossetia.com/20220505/khussar-iry-mineralon-datta-arkhayynts-uaraseyy-bazarma-bakhizyn-16576605.html
Хуссар Иры минералон дӕттӕ архайынц Уӕрӕсейы базармӕ бахизын
Хуссар Иры минералон дӕттӕ архайынц Уӕрӕсейы базармӕ бахизын
Sputnik Хуссар Ирыстон
ЦХИНВАЛ, 5 май - Sputnik, Плиты Фатимӕ. Хуссар Ирыстоны минералон дӕтты амалиуӕгдартӕ ногӕй бацархайдзысты бахизын Уӕрӕсейы базармӕ. Дыууӕ гуырахстджын... 05.05.2022 мӕ, Sputnik Хуссар Ирыстон
2022-05-05T12:26+0300
2022-05-05T12:26+0300
2022-05-05T12:28+0300
ног хабӕрттӕ
хуссар ирыстоны
экономикӕ
https://cdnn1.img.sputnik-ossetia.ru/img/598/44/5984445_0:255:1029:833_1920x0_80_0_0_a7ff87b16272640850602fe6861aa6ba.jpg
ЦХИНВАЛ, 5 май - Sputnik, Плиты Фатимӕ. Хуссар Ирыстоны минералон дӕтты амалиуӕгдартӕ ногӕй бацархайдзысты бахизын Уӕрӕсейы базармӕ. Дыууӕ гуырахстджын рауагъдадтӕ - фирмӕ "Аландон" ӕмӕ "Бӕгъиатӕ" фӕлварынц ӕндӕр ӕмӕ ӕндӕр амӕлӕттӕ сӕ продукци экспортмӕ арвитынӕн.Фӕстаг рӕстӕджы Уӕрӕсейы базары минералон дӕтты ӕргътӕ фӕфылдӕр сты 100 проценты онг, кӕцыдӕртӕ фӕсарӕнтӕй нал ласынц. Хуссар Ирыстоны дӕр ӕргътӕ фӕивтой, фӕлӕ цӕхгӕр нӕ."Ныр дӕр нӕм ис заказтӕ Мӕскуы ӕмӕ Курскы областӕй. Нырмӕ нӕ экспорты фӕндтӕ уадиссаг ӕнтыстджын нӕ уыдысты, "Бӕгъиатӕн" дӕр афтӕ, Цӕгат Ирыстонӕй дарддӕр нӕ цыд ласт. Ныр та ногӕй фӕлвардзыстӕм нӕ дыууӕ дӕр", - радзырдта "Аландон"-ы хистӕр Босыкты Владимир.Амалиуӕггӕнӕг ма ӕнхъары, экспорт цы амӕлӕтӕй гӕнӕн ис срӕвдз кӕнын, уый дӕр.Паддзахадон компани "Бӕгъиатӕ" нырмӕ дӕр йӕ продукци официалон ӕгъдауӕй хӕццӕ кодта Цӕгат Ирыстонмӕ. Фӕлӕ ивгъуыд аз декабры йӕ тыхы бацыд ног барамынд, кӕцымӕ гӕсгӕ ӕппӕт баласгӕ продукцийӕ дӕр домынц маркировкӕ."Уый хъӕуы таможнӕйы сӕрты хизынӕн. Ныхас кодтам ацы фарсты фӕдыл уӕрӕсейаг фирмӕ "Честный знак"-имӕ. Маркировкӕ аразыны хӕрдзтӕ ӕдӕппӕт хизынц 3,5 милуан соммӕ, уыдонӕй дыууӕ милуаны аргъ у йӕ программӕ, аннӕ ӕрдӕг та - ифтонгад. Стӕй ма ныртӕккӕ фӕсарӕнтӕй ифтонгад ласын дӕр у проблемон", - радзырдта "Бӕгъиаты" хистӕр Санахъоты Алан.Ацы фарст кӕд лыгкӕнинаг у, уӕлдӕр нырма заводӕн йӕ авналӕнтӕ сты къуындӕг."Нырма нӕ кредитӕй не 'сраст стӕм, уый райсам цистерна балхӕнынӕн. Нырид у сезон ӕмӕ нӕ ӕфтиаг хъуамӕ фӕхуыздӕр уа, цӕмӕй самал кӕнӕм маркировкӕйы ифтонгад дӕр", - бахахх кодта уый.
https://sputnik-ossetia.com/20220504/khussar-iry-dyuua-egau-donuadzadzhy-zynga-fafyldar-kodtoy-sa-produktsiyy-argta-16571905.html
https://sputnik-ossetia.com/20220504/bosykty-vladimir-alandon-tagd-sravdz-kandzan-ya-rauagdad-16568757.html
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
2022
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
ног хабӕрттӕ
os_OS
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
ног хабӕрттӕ, хуссар ирыстоны, экономикӕ
ног хабӕрттӕ, хуссар ирыстоны, экономикӕ
ЦХИНВАЛ, 5 май - Sputnik, Плиты Фатимӕ. Хуссар Ирыстоны минералон дӕтты амалиуӕгдартӕ ногӕй бацархайдзысты бахизын Уӕрӕсейы базармӕ. Дыууӕ гуырахстджын рауагъдадтӕ - фирмӕ "Аландон" ӕмӕ "Бӕгъиатӕ" фӕлварынц ӕндӕр ӕмӕ ӕндӕр амӕлӕттӕ сӕ продукци экспортмӕ арвитынӕн.
Фӕстаг рӕстӕджы Уӕрӕсейы базары минералон дӕтты ӕргътӕ фӕфылдӕр сты 100 проценты онг, кӕцыдӕртӕ фӕсарӕнтӕй нал ласынц. Хуссар Ирыстоны дӕр ӕргътӕ фӕивтой, фӕлӕ цӕхгӕр нӕ.
"Ныр дӕр нӕм ис заказтӕ Мӕскуы ӕмӕ Курскы областӕй. Нырмӕ нӕ экспорты фӕндтӕ уадиссаг ӕнтыстджын нӕ уыдысты, "Бӕгъиатӕн" дӕр афтӕ, Цӕгат Ирыстонӕй дарддӕр нӕ цыд ласт. Ныр та ногӕй фӕлвардзыстӕм нӕ дыууӕ дӕр", - радзырдта "Аландон"-ы хистӕр Босыкты Владимир.
Амалиуӕггӕнӕг ма ӕнхъары, экспорт цы амӕлӕтӕй гӕнӕн ис срӕвдз кӕнын, уый дӕр.
"Хуссар Ирыстонӕн ис базарадон минӕварад, уый бындурыл бакӕнын хъӕуы базарадон компани. Уымӕн хъуамӕ уа ӕфтауцтӕ, транспорт, цӕмӕй парахат кӕна нӕ дон дуканитыл. Уый канд доныл нӕ кусид, фӕлӕ Хуссар Ирыстон ноджы цы ӕндӕр продукт дӕтты, ууыл дӕр. Райдайын хъӕуы Цӕгат Ирыстонӕй", - загъта "Аландон"-ы хистӕр.
Паддзахадон компани "Бӕгъиатӕ" нырмӕ дӕр йӕ продукци официалон ӕгъдауӕй хӕццӕ кодта Цӕгат Ирыстонмӕ. Фӕлӕ ивгъуыд аз декабры йӕ тыхы бацыд ног барамынд, кӕцымӕ гӕсгӕ ӕппӕт баласгӕ продукцийӕ дӕр домынц маркировкӕ.
"Уый хъӕуы таможнӕйы сӕрты хизынӕн. Ныхас кодтам ацы фарсты фӕдыл уӕрӕсейаг фирмӕ "Честный знак"-имӕ. Маркировкӕ аразыны хӕрдзтӕ ӕдӕппӕт хизынц 3,5 милуан соммӕ, уыдонӕй дыууӕ милуаны аргъ у йӕ программӕ, аннӕ ӕрдӕг та - ифтонгад. Стӕй ма ныртӕккӕ фӕсарӕнтӕй ифтонгад ласын дӕр у проблемон", - радзырдта "Бӕгъиаты" хистӕр Санахъоты Алан.
Ацы фарст кӕд лыгкӕнинаг у, уӕлдӕр нырма заводӕн йӕ авналӕнтӕ сты къуындӕг.
"Нырма нӕ кредитӕй не 'сраст стӕм, уый райсам цистерна балхӕнынӕн. Нырид у сезон ӕмӕ нӕ ӕфтиаг хъуамӕ фӕхуыздӕр уа, цӕмӕй самал кӕнӕм маркировкӕйы ифтонгад дӕр", - бахахх кодта уый.
