Ӕнкъард комеди: Хуссар Иры театры ацӕудзӕн спектакль "Трактирщица"-йы премьерӕ

© Sputnik / Наталья АйриянХуссар Иры драмон театр
Хуссар Иры драмон театр - Sputnik Хуссар Ирыстон, 1920, 12.05.2022
Бафыссын
Yandex newsTelegram
ЦХИНВАЛ, 12 май – Sputnik, Плиты Фатимӕ. Хуссар Ирыстоны паддзахадон театры сценӕйыл кӕронмӕ фӕхӕццӕ кӕны спектакль "Трактирщица"-йыл куыст. Ӕввахс рӕстӕджы ацӕудзӕн йӕ премьерон равдыст, фехъусын кодта Sputnik драмтеатры аивадон къухдариуӕггӕнӕг Дзудцаты Тамерлан.
"Ӕрӕджы ӕрхуыдтам ӕвзонг курдиатджын режиссер, "ГИТИС"-ы рауагъдон Чумаченко Иваны. Уый йӕ куысты бацыд финишмӕ ӕмӕ ӕввахс бонты кӕсӕг йӕхӕдӕг аргъгӕнӕг уыдзӕн куыстӕн", - загъта аивадон къухдариуӕггӕнӕг.
Уӕрӕсейӕг режиссер кусы Советон цӕдисы раздӕры республикӕты ӕмӕ Уӕрӕсейы регионты. Хуссар Ирыстоны ӕвзонг специалист, кӕцы ахуыр фӕцис ӕрмӕст 2021 азы, ӕвӕры ныр ӕстӕм спектакль.
"Ӕз кӕдфӕндыдӕр спектакльмӕ кӕсын, цыма ме знаджы ӕвӕрд у, афтӕ. Чысыл фау дӕр ӕрхӕссӕн цӕмӕ ис, уый мӕ цӕсты хауы. Уымӕ гӕсгӕ мӕ зӕрдӕмӕ нӕ цӕуы. Премьерӕйы бон свӕййы актертӕн бӕрӕггӕнӕн ӕмӕ режиссерӕн та йӕ "зианы" бон. Куыст цӕуы хорз режимы, хъуамӕ рацӕуа тагъд", - загъта Sputnik Иван Чумаченко.
Дзӕгъойты Радмила: Хуссар Ирыстоны паддзахадон театр рацыд бирӕ хъысмӕтӕвзарӕн этаптӕ - Sputnik Хуссар Ирыстон, 1920, 06.05.2022
Зӕгъойты Рада: Хуссар Ирыстоны паддзахадон театр рацыд бирӕ хъысмӕтӕвзарӕн этаптӕ
Пьесӕ "Трактирщица"-йы ахӕссӕн ис драматикон комедимӕ. Ныффыста йӕ италиаг фыссӕг Карло Гольдони. Архайд цӕуы уындджын сылгоймаг Мариандолинайы алыварс. Ӕрмӕг у Хуссар Ирыстоны театрӕн йӕхи ӕвзӕрст.
"Аивадон къухдариуӕггӕнӕгӕн ӕй банхъардта актрисӕ Хаситы Эмма. Мӕ зӕрдӕмӕ фӕцыд ӕрмӕг. Авд спектакль рауагътам ӕмӕ нырма уый у мӕ куысты иууыл вазыгджын", - бафтыдта режиссер.
Йӕ ныхӕстӕм гӕсгӕ, уый у XVII ӕнусы ӕрмӕг, у иуӕй худӕг, фӕлӕ дзы ис нӕлгоймаджы трагеди дӕр. Иудзырдӕй, ӕнкъард комеди у. Сӕйраг хъайтар дӕр фӕстагмӕ йӕ лымӕнты иууылдӕр фесафдзӕн, ӕмбарын кӕны спектаклы сусӕгдзинӕдтӕ Чумаченко.
Ног хабӕртты лентӕ
0