https://sputnik-ossetia.com/20220516/adamon-araztad-tskhinvaly-andidzyn-kanynts-iron-kvartaly-kuvandon-16724175.html

Адӕмон арӕзтад: Цхинвалы ӕндидзын кӕнынц ирон кварталы кувӕндон

Адӕмон арӕзтад: Цхинвалы ӕндидзын кӕнынц ирон кварталы кувӕндон

Sputnik Хуссар Ирыстон

ЦХИНВАЛ, 16 май – Sputnik, Плиты Фатимӕ. Хуссар Ирыстоны столицӕйы йӕ раздӕры бынаты амад цӕуы Сырх Дзуары кувӕндон. Раздӕрау арӕзтад цӕуы адӕмы хӕрдзтӕй... 16.05.2022 мӕ, Sputnik Хуссар Ирыстон

2022-05-16T13:50+0300

2022-05-16T13:50+0300

2022-05-16T17:26+0300

репортажтӕ

хуссар ирыстоны

дин

культурӕ

https://cdnn1.img.sputnik-ossetia.ru/img/945/67/9456714_0:0:1920:1080_1920x0_80_0_0_560d8c429274dae1acc4a5b6fa32c80f.jpg

ЦХИНВАЛ, 16 май – Sputnik, Плиты Фатимӕ. Хуссар Ирыстоны столицӕйы йӕ раздӕры бынаты амад цӕуы Сырх Дзуары кувӕндон. Раздӕрау арӕзтад цӕуы адӕмы хӕрдзтӕй Цхинвайлаг Алайнаг епархийы цӕстдарды бын.Хуссар Ирыстоны столицӕйы цӕгаттаг фарс уӕвӕг кувӕндон фӕстаг ӕзты лӕууыд пырхӕнты, цалынмӕ Алайнаг епархи не сцайдагъ кодта йӕ арӕзтад, уӕдмӕ. Уыдон фӕрнджын хъуыддаджы иунӕг не сты, сӕ фарсмӕ балӕууыдысты амалджын адӕм ӕмӕ хуымӕтӕг цӕрджытӕ - йӕ къух сӕ кӕй куыд амоны, афтӕ лӕггад кӕнынц сыгъдӕг бынат йӕ раздӕры хуызы сӕндидзын кӕнынӕн.Историк Табуты Неллийы ныхӕстӕм гӕсгӕ, Сырх Дзуарæн йӕ рагон хуыз бӕрӕг нӕу."Мах зонӕм XIX ӕнусы кувӕндон, кӕцы сӕндидзын кодта уырыссаг миссионерон ӕхсӕнад. Тынг къуындӕг историон зонӕнтӕ ис ацы аргъуаны тыххӕй. Мидӕгӕй йӕ арӕзт уыд тынг фенддаг", - банысан кодта уый.Советон рæстæджы Хуссар Ирыстоны, куыд ӕппӕт Советон цӕдисы дӕр, аргъуантӕ сӕ нысанӕн нал куыстой. Сырх Дзуар дӕр ссис ӕфтауц. Фӕстӕдӕр ын "балӕггад" кодта зӕххӕнкъуыст дӕр."Зӕххӕнкъуыстыты рӕстӕджы иууылдӕр бахъыгдард ис, йӕ хуссар фарс ӕркалд. 2000 азы райдайаны йӕ Алайнаг епархи хъавыд сӕндидзын кӕнынмӕ. Фӕлӕ мах аиуварс кодтой, бӕстыхай та бынтондӕр ныппырх кодтой", - дзуры фыд Симон.2016 азы та ногӕй бахъавыдысты аргъуан самайын, Фыд Симон амоны, ацы проект кæй фӕлхат кӕны раздӕры кувӕндоны ӕддаг бакаст ӕмӕ йӕ формӕ.Уый ма бафиппайдта, ацы районы рагзаманӕй фӕстӕмӕ кӕй цардысты ӕрмӕстдӕр ирӕттӕ, уымӕ гӕсгӕ йӕ сыгъӕг кувӕндон сӕндидзӕн кӕныны куыст ссис ӕппӕтадӕмон."Цхинвалы хицӕн районты тыгуыртӕй цардысты дзуттӕгтӕ, сомихӕгтӕ, горӕты ацы хайы та ирӕттӕ. Уымӕй нын у ноджы ахсджиагдӕр. Уымӕ гӕсгӕ арӕзтад ссис адӕмон. Иууылдӕр ӕххуыс кӕнынц, горӕт, службӕтӕ. Мургай ӕмбырд цӕуынц йӕ дуртӕ", - бахахх кодта уый.Историк Табуты Неллийы ныхӕстӕм гӕсгӕ, Сырх Дзуар нымад цыд карз дзуарыл ӕмӕ адӕмы хсӕн уый тыххӕй ис бирӕ таурӕгътӕ."Чысыл фӕткӕй ахизын дӕр кодта бӕллӕхтӕм", - загъта уый.Хуссар Ирыстонӕй ацӕугӕ Чехойты ӕфсымӕрты балӕггад кӕнын фæндыд сӕ райгуырӕн бӕстӕйӕн ӕмӕ сӕ ных сарӕзтой дзуар сӕндидзын кӕнынмӕ. Ныппырх кодтой зӕронд бӕстыхай.Уый фӕстӕ ногӕй арӕзтад сцайдагь кӕнын бафӕндыд ирон амалиуӕггӕнӕг, дзӕнӕттаг Къӕбысты Зурабы, фӕлӕ уый аразджытӕг ног проект ӕнхъардта."Дзӕуджыхъӕуӕй ӕрхуыдтам архитекторы, уый агуырдта ӕнгӕс аргъуантӕ, фӕлӕ ӕгас Фӕскавказы ахӕмыл никуы фембӕлд. Ӕз дзурын йӕ мидӕггаг арӕзтыл, уый уыд уинкалон ӕмӕ вазыгджын", - банысан кодта Табуты Нелли.Кувӕндоны ӕддаг бакасты дзургӕйӕ та историк бафиппайдта, агъуыст кӕй уыдзӕн раздӕрау агуиридурӕй.

https://sputnik-ossetia.com/20211124/uydzan-ya-ragon-khuyzy-tskhinvaly-snog-kodtoy-syrkh-dzuary-araztad-14781381.html

https://sputnik-ossetia.com/20210224/Khussary-Iry-myggadzhy-fond-sndidzyn-kndzn-kuvndon-11858807.html

2022

ног хабӕрттӕ

os_OS

репортажтӕ, хуссар ирыстоны, дин, культурӕ