ПӔК аиуварс кодта гуырдзиаг спецслужбӕтимӕ Гаглойты Аланы бастдзинӕдты фӕдыл дам-думтӕ

© Sputnik / Natalia AiriyanГаглойты Алан
Гаглойты Алан  - Sputnik Хуссар Ирыстон, 1920, 03.06.2022
Бафыссын
Yandex newsTelegram
ЦХИНВАЛ, 3 июн — Sputnik. Хуссар Ирыстоны Паддзахадон ӕдасдзинады комитетмӕ ницы информаци ис гуырдзиаг ӕмӕ фӕсарӕйнаг спецслужбӕтимӕ президент Гаглойты Аланы контакттӕ ӕмӕ бастдзинӕдты фӕдыл. Ахӕм хъусинаг уагдон апарахат кодта майрӕмбоны.
Комитет куыд хъусын кӕны, афтӕмӕй 1 июны ПӔК специалисттӕ сӕ хъус ӕрдардтой Интернеты ныммыхуыргонд сюжетмӕ, цы ран уӕрӕсейаг политолог Сергей Карнаухов, Хуссар Ирыстоны цӕуӕг мидполитикон цаутӕн анализ аразгӕйӕ, загъта, зӕгъгӕ, президент Галойты Алан гӕнӕн ис мӕ баст уа Хуссар Кавказы сӕ интерестӕ хъахъхъӕнӕг АИШ ӕмӕ Гуырдзыстоны архайдимӕ.
"Хуссар Ирыстоны ПӔК хъусын кӕны, ацы дам-думтӕ канд ӕнӕбындурон кӕй не сты, фӕлӕ ма цӕуынц Хуссар Ирыстон ӕмӕ Уӕрӕсейы хсӕн хӕларадон ахастыты ныхмӕ дӕр, афтӕ ма дыууӕ бӕстӕйы ӕгуыстады ныхмӕ дӕр ӕдасдзинады иумӕйаг контур саразыны хъуыддаджы", - банысан кодтой уагдоны.
Комитеты ма зӕрдыл ӕрлӕууын кодтой, зӕгъгӕ, президенттӕм кандидаттӕ рацӕуынц сӕрмагонд басгӕрст ӕмӕ сӕ биографиты исты зӕрдӕхсайгӕ архайд куы вӕййы, уӕд иуварс ӕрцӕуынц ӕвзӕрстытӕй.
Хуссар Иры ПӔК символика - Sputnik Хуссар Ирыстон, 1920, 25.05.2022
ПӔК фехъусын кодта, Цхинвалы цæрæг кæй дæтта бæрæггæнæнтæ гуырдзиаг спецслужбæтæн
"Уымӕй дарддӕр Гаглойты Алан йӕхӕдӕг куыста республикӕйы ӕдасдзинады органты, у ПӔК фӕстауӕрцы хистӕр офицер, афтӕ ма 2008 азы августы хӕсты активон хайадисӕг, уыцы хӕсты рӕстӕджы йӕ бинонтыл ӕрцыд стыр зиӕнттӕ дӕр", - бахахх кодтой ПӔК.
Уагдон арвыста сӕрмагонд куырдиат уӕрӕсейаг коллегтӕм сӕвзӕргӕ уавӕрмӕ хъус ӕрдарыны сидтимӕ.
Ног хабӕртты лентӕ
0