Адӕмон артист Харебаты Федоры бавӕрдзысты Хуссар Иры Национ пантеоны

© Sputnik / Natalia AiriyanФедор Харебати
Федор Харебати - Sputnik Хуссар Ирыстон, 1920, 06.06.2022
Бафыссын
Yandex newsTelegram
ЦХИНВАЛ, 6 июн — Sputnik, Плиты Фатимӕ. Хуссар Ирыстоны адӕмон артист, Цӕгат Ирыстоны сгуыхт артист Харебаты Федоры бавӕрдзысты Национ пантеоны дыццӕджы, фехъусын кодтой Sputnik паддзахадон драмон театры (ПДТ) пресс-службӕйы.
Адӕмон артист йӕ цардӕй ахицӕн 92 азы кары дӕргъвӕтин рынчыны фӕстӕ. Уый таеатрӕн снывонд кодта 61 азы.
"Дыццӕджы номдзыд артистӕн фӕстаг хӕрзбон зӕгъдзысты, цы уынгыл цард, уым. Уый фӕстӕ Харебаты Федор йе 'нусон бынат ссардзӕн Хуссар Ирыстоны кадджын адӕмы уӕлмӕрды - национ пантеоны", - загътой уагдоны.
Харебаты Федор каст фӕцис Хуссар Ирыстоны паддзахадон педагогон институты филологийы факультет. Стӕй куыста ахуыргӕнӕгӕй, фӕскомцӕдисы органты. Уый фӕстӕ йын фӕзынд фадат ацӕуын ахуырмӕ Горькийы номыл театралон ахуыргӕнӕндонмӕ. 1961 азы ӕрыздӕхт Хуссар Ирыстонмӕ ӕмӕ райдыдта кусын театры.
Уыцы рӕстӕг уымӕн бантыст сӕххӕст кӕнын дӕсгай фӕлгонцтӕ. 1970 ӕзты рахызт режиссерон куыстмӕ.
Ног хабӕртты лентӕ
0