Гимнази "Альбион"-ы ахуыргӕнинӕгтӕ рамбылдтой Ӕхсӕнадӕмон театралон фестивалы

Гимнази «Альбион»-ы ахуыргӕнинӕгтӕ рамбылдтой театралон Ӕхсӕнадӕмон фестивалы
Бафыссын
Yandex newsTelegram
Цӕгат Ирыстон-Аланийы ацыд Адӕмон театрты ӕмӕ хӕдархайгӕ коллективты VI Ӕхсӕнадӕмон фестиваль. Хайад дзы райста гимнази "Альбион"-ы театралон къорд. Йӕ къухдариуӕггӕнӕг, Хуссар ӕмӕ Цӕгат Ирыстон-Аланийы сгуыхт артисткӕ Натия Чохели куыд радзырдта, уымӕ гӕсгӕ конкурсы равдыстой спектакль "Листая страницы Коста".
"Фестивалы нысаниуӕг у театралон культурӕ фӕхъӕздыгдӕр кӕнын ӕмӕ аивадон къордтимӕ базонгӕ уӕвын. Мах дзы райстам хайад ӕмӕ рамбылдтам "Хуыздӕр спектакль"-ы номинацийы", - загъта Чохели.
Артисткӕ ма куыд банысан кодта, уымӕ гӕсгӕ фестивалы жюрийы уӕнгтӕ спектакль федтой Хуссар Ирыстон паддзахадон драмон театры сценӕйыл, уымӕн ӕмӕ ахӕм уыдысты организаторты домӕнтӕ.
"Цӕгат Ирыстомӕ фӕндаг кӕй уыд ӕхгӕд, уый тыххӕй нӕ бон не ссис хорзӕх кӕныны церемонимӕ бахауын, фӕлӕ нӕ ис ныфс ӕмӕ нӕ хорзӕх нӕ къухы бафтдзӕнис", - бахахх кодта къоды хистӕр.
Уый ма радзырдта, зӕгъгӕ, сывӕллӕттӕ кӕд тыхстысты, уӕддӕр тынг зӕрдиагӕй бакуыстой спектаклы рӕстӕджы.
Ног хабӕртты лентӕ
0