Хуссар Иры ветеринарон службӕтӕ уадзынц фосӕн вакцинаци фондз низы ныхмӕ

© Sputnik / Александр Кряжев / Ахизын фотобанкмӕВакцинаци
Вакцинаци - Sputnik Хуссар Ирыстон, 1920, 14.06.2022
Бафыссын
Yandex newsTelegram
ЦХИНВАЛ, 14 июн — Sputnik, Плиты Фатимӕ. Хуссар Ирыстоны ветеринарон службӕтӕ республикӕйы районты уадзынц фосӕн ӕнӕаргъӕй профилактикон прививкӕтӕ фондз низы ныхмӕ. Уый тыххӕй Sputnik фехъусын кодта службӕйы хистӕр Тедеты Ацӕмӕз.
"Ныридӕгӕн республикӕйы районты ветеринартӕ кусынц ставдкъах ӕмӕ лыстӕг фосӕн вакцинацийыл. Прививкӕтӕ аразынц фосӕн фадниз ӕмӕ пастереллезы ныхмӕ. Фӕстӕдӕр та райдайдзысты талӕу, эмкары ӕмӕ классикон емынӕйы ныхмӕ. Ӕппӕт вакцинатӕ дӕр сты ӕнӕаргъӕй. Уымӕй дарддӕр ма куыйтӕ ӕмӕ гӕдытӕн та арӕзт цӕуы ӕррайы низы ныхмӕ вакцинӕ", - радзырдта уый.
Ветеринары ныхӕстӕм гӕсгӕ, азы дӕргъы уыдон ӕрвылазон нывӕзтмӕ гӕсгӕ уадзынц ӕдзухон иртӕстытӕ.
"Иртӕстытӕ уадзӕм бруцеллез, лейкоз ӕмӕ туберкулез сбӕлвырд кӕнынӕн", - баххах кодта уый.
Хуссар Ирыстоны ветеринарон службӕйы дӕлбар кусы 70 фосы дохтыры, уыдон ӕххӕссынц ӕгас республикӕйыл.
Поросята на ферме - Sputnik Хуссар Ирыстон, 1920, 14.06.2022
"Низ нал ис": хуыты африкӕйаг емынӕ ныууагъта Хуссар Ирыстоны
Ног хабӕртты лентӕ
0