Хуссар Иры Уӕлдӕр тӕрхондон ӕркаст МХМ-йы раздӕры хистӕр амарын бафӕлварыны хъуыддагмӕ

© Sputnik / Наталья АйриянУӕлдӕр тӕрхондон ӕркаст МХМ-йы раздӕры хистӕр Наниты Игоры амарын бахъавыны хъуыддагмӕ
Уӕлдӕр тӕрхондон ӕркаст МХМ-йы раздӕры хистӕр Наниты Игоры амарын бахъавыны хъуыддагмӕ - Sputnik Хуссар Ирыстон, 1920, 08.07.2022
Бафыссын
Yandex newsTelegram
ЦХИНВАЛ, 8 июл - Sputnik, Плиты Фатимӕ. Хуссар Ирыстоны Уӕлдӕр тӕрхондоны коллеги ӕркаст Мидхъуыддӕгты министрады раздӕры хистӕр Наниты Игоры амарын бахъавыны хъуыддагмӕ. Зӕрдӕмӕхсайгӕтӕ ацы хъуыддаджы сты дзӕнӕттаг Дзабиты Инал ӕмӕ Цхуырбаты Николай.
Прокурор Джиоты Эдгар бынтондӕр ссӕрибар кодта Джабиты Иналы азымӕй , Цхуырбаты Николайы та ма азымджын кӕнынц ӕрмӕстдӕр "ӕнӕзакъонӕй хӕцӕнгарз дарыны хъуыддаджы"( статья 222, фыццаг хай).
Тӕрхондон - Sputnik Хуссар Ирыстон, 1920, 05.07.2022
Тӕрхондон снысан кодта Дзабиты Иналы хъуыддаджы фӕдыл ног рабадт
Цхуырбаты Николай йӕхӕдӕг ӕркуырда, цӕмӕй йӕ ӕппӕт пунктӕм гӕсгӕ дӕр ссӕрибар кӕной, азымджын кӕй нӕу, уымӕ гӕсгӕ.
Процессы йӕ хъахъхъӕнӕг дӕр ӕрдомта йе сӕрибар кӕнын, уымӕн ӕмӕ Цхуырбаты Николай йӕ хӕлары хӕцӕнгарз цы бынаты уыд ныгӕнд, уый дырысӕй нӕ зыдта. Куы йӕ ссардта уӕд та йӕ радта йӕ хицауы ӕфсымӕрмӕ.
Уымӕй дарддӕр ма адвокат бахатыд хъуыддаджы ӕрмӕджытӕм бафтауын Цхуырбаты Николайы паддзахадон ӕмӕ ведомствӕйон хорзӕхтӕ.
Рабадты кӕрон тӕрхонгӕнг фехъуысын кодта сӕ скъуыддзаг кӕй раргом кӕндзысты фӕстӕдӕр.
Ног хабӕртты лентӕ
0