Уӕрӕсейы ӔФС не руагъта Липецкы теракт, кӕцы цӕттӕ кодтой "Правый сектор"-ы фарсхӕцджытӕ

© Sputnik / Павел Лисицын / Ахизын фотобанкмӕУӕрӕсейы ӔФС .Архивон къам
Уӕрӕсейы ӔФС .Архивон къам - Sputnik Хуссар Ирыстон, 1920, 29.07.2022
Бафыссын
Yandex newsTelegram
ЦХИНВАЛ, 29 июл — Sputnik. Уӕрӕсейы ӔФС ӕрцахста Украинӕйы ӕртӕ ӕмбӕстаджы, кӕцытӕ хъавыдысты спырх кӕнын стыр тыхимӕ хиаразгӕ рӕмудзӕн ӕрмӕг Липецкы адӕмарӕх бынаты. Уый тыххӕй хъусын кӕны уӕрӕсейаг спецслужбӕ.
Фыдгӕнджытӕ уыдысты диверсион-разӕсгӕрстон къорды сконды, кӕцы сарӕзта "Правый сектор" Украинӕйы Ӕдасдзинады службӕйы патронажы бын.
"Липецкы областы Добровскы районы хъӕу Горицайы ӕрурӕдтой Украинӕйы ӕртӕ ӕмбӕстаджы, кӕцытӕ раздӕр ӕрцыдысты Уӕрӕсемӕ: 1988 азы гуырд нӕлгоймаг (раздзог, раздӕр цалдӕр хатты ӕрлӕууыд тӕрхондоны раз педофилийы тыххӕй) ӕмӕ дыууӕ сылгоймаджы, 1986 ӕмӕ 1978 ӕзты гуырдтытӕ, кӕцытӕ уыдысты диверсион-разӕсгӕрстон къорды сконды, кӕцы сарӕзта "Правый сектор" Украинӕйы Ӕдасдзинады службӕйы патронажы бын", - дзырдӕуы релизы.
Диверсантты сусӕг ӕмбӕхсӕны ссардӕуыд хиаразгӕ рӕмудзӕн ӕрмӕджы компоненттӕ. Афтӕ ма ӕргом ӕрцыдысты сӕ фыстӕджытӕ "Правый сектор"-ы* ӕндӕр хайадисджытимӕ.
Сӕ ныхмӕ бакондӕуыд уголовон хъуыддӕгтӕ терактмӕ цӕттӕ кӕныны, экстремистон организацийы хайадист ӕмӕ рӕмудзӕн ӕрмӕджытӕ ӕнӕзакононӕй химӕ дарыны фӕдыл.
* Экстремистон организаци, кӕцы Уӕрӕсейы у тобӕгонд
Ног хабӕртты лентӕ
0