https://sputnik-ossetia.com/20220816/khussar-iry-zhriayy-khauy-andidzyn-kanynts-uastyrdzhyyy-kuvandon-18287426.html
Хуссар Иры Жриайы хъӕуы ӕндидзын кӕнынц Уастырджыйы кувӕндон
Хуссар Иры Жриайы хъӕуы ӕндидзын кӕнынц Уастырджыйы кувӕндон
Sputnik Хуссар Ирыстон
Арӕзтад сӕ бӕрны бакодтой хъӕуӕй рацӕугӕ ӕфсӕддон ӕмӕ тренер 16.08.2022 мӕ, Sputnik Хуссар Ирыстон
2022-08-16T11:21+0300
2022-08-16T11:21+0300
2022-08-16T11:27+0300
хуссар ирыстоны
ног хабӕрттӕ
дин
культурӕ
https://cdnn1.img.sputnik-ossetia.ru/img/07e6/08/10/18288240_0:160:3072:1888_1920x0_80_0_0_eac656f6bcf8223e45a6d5158e584f35.jpg
ЦХИНВАЛ, 16 авг - Sputnik, Плиты Фатимӕ. Хуссар Ирыстоны Дзауы районы Жриайы хъӕуы центры ӕндидзын кӕнынц Уастырджыйы кувӕндон. Арӕзтад цӕуы Котолиты дыууӕ ӕфсымӕр Сослан ӕмӕ Болайы финансон хӕрдзтӕй, арӕзтады ӕххуыс кӕнынц хъӕуӕй рацӕугӕ фӕсивӕд дӕр.Жриайы хъӕуы кувӕндон цы бынаты уыд ӕвӕрд, уый канд цӕрӕн пункты центр нӕ уыд, фӕлӕ ма ӕввахс аст хъӕуӕн дӕр. Ам уӕвынад кодта скъола, клуб, хъӕууон администраци. Центрыл йӕ нымадтой Барс, Морго, Гыццыл Гуфта, Андис, Къуылыхты хъӕу, Ног хъӕу ӕмӕ ӕндӕр цӕрӕн пункттӕ."Фӕхонынц ӕй приходы дзуар. Уыцы ном ӕрфидар дзуар тӕккӕ административон центры кӕй уыд, уымӕ гӕсгӕ. Ӕнӕ уый та у Уастырджы кувӕндон. Нысан цӕуы Джиуӕргуыбаты къуырисӕр ӕхсӕв", - радзырдта Sputnik ӕфсымӕртӕй иу Бола.Йӕ ныхӕстӕм гӕсгӕ, цалынмӕ мӕй ӕмӕ ӕрдӕджы размӕ кувӕндоны ӕндидзын кӕнынмӕ бавнӕлдтой, уӕдмӕ ӕркастысты йӕ историмӕ дӕр. Дзуары тыххӕй бӕстон зонӕнтӕ ис Хуссар Ирыстоны историон ӕмӕ архитектурон цыртдзӕвӕнтӕ бахъахъхъӕныны хайады."Кувӕндон амад ӕрцыд XVIII-XIX ӕнусы, фӕлӕ уымӕй размӕ дӕр уым уыд дзуар. Мах йӕ бындуры онг куы нывнӕлдтам, уӕд рабӕрӕг йӕ рагондӕр амады бындур кӕй уыд ӕндӕрхуызон - цыппаркъуымон. Фӕлӕ ныр кувӕндон сӕндидзӕн кӕндзыстӕм цы бӕрӕггӕнӕнтӕм нӕм ис, уыдонмӕ гӕсгӕ. Цӕттӕ у проект, ӕрӕмных ӕй кодтам историон цыртдзӕвӕнты хайадимӕ", - радзырдта уый.Ныридӕгӕн арӕзтадӕн нырма ӕвӕрд ӕрцыд ӕрмӕст йӕ бындур, аразджыты фӕнды ацы аз арӕзтады фылдӕр хай балхынцъ кӕнын.Кувӕндоны тӕккӕ фарсмӕ ис хъӕуы иууыл фенддагдӕр бынат, ам рӕзы ӕнусон зазбӕлас, кӕцыйӕн йӕ кар дисы ӕфтауы адӕмы."Иу рӕстӕг йӕ фӕдта липецкаг специалист, кӕцы ахуыр кӕны бӕласы мыггӕгтӕ. Уый дзырдта, зӕгъгӕ, фӕзылд советон цӕдисы раздӕры республикӕтыл ӕмӕ дзы уый ацы бӕласы карӕн заз никуы федта. Астӕуккаг нымадмӕ гӕсгӕ йыл цӕуы 1700 азы",- бафиппайдта Котолиты Бола.Бӕласы бӕрзӕнд, ӕддаг бакастӕй, у 12 метры бӕрц.
https://sputnik-ossetia.com/20220516/adamon-araztad-tskhinvaly-andidzyn-kanynts-iron-kvartaly-kuvandon-16724175.html
https://sputnik-ossetia.com/20200716/Drakont-ryzdkhtysty-Khussar-Iry-stsaltsg-kodtoy-kuvndon-Syrkhy-dzuar-10867499.html
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
2022
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
ног хабӕрттӕ
os_OS
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
хуссар ирыстоны, ног хабӕрттӕ, дин, культурӕ
хуссар ирыстоны, ног хабӕрттӕ, дин, культурӕ
Хуссар Иры Жриайы хъӕуы ӕндидзын кӕнынц Уастырджыйы кувӕндон
11:21 16.08.2022 (Ранӕуӕггонд: 11:27 16.08.2022) Арӕзтад сӕ бӕрны бакодтой хъӕуӕй рацӕугӕ ӕфсӕддон ӕмӕ тренер
ЦХИНВАЛ, 16 авг - Sputnik, Плиты Фатимӕ. Хуссар Ирыстоны Дзауы районы Жриайы хъӕуы центры ӕндидзын кӕнынц Уастырджыйы кувӕндон. Арӕзтад цӕуы Котолиты дыууӕ ӕфсымӕр Сослан ӕмӕ Болайы финансон хӕрдзтӕй, арӕзтады ӕххуыс кӕнынц хъӕуӕй рацӕугӕ фӕсивӕд дӕр.
"Кувӕндон дыууӕ ӕфсымӕры сӕхи тыхтӕй бавнӕлдтой аразынмӕ. Уыдон сты ацы хъӕуӕй рацӕугӕ. Иу сӕ у ӕфсӕддон, архайдта Уӕрӕсейы ӕфсӕддон операцийы, аннӕ фӕллой кӕны тренерӕй", - радзырдта Sputnik хъӕуы цӕрӕг.
Жриайы хъӕуы кувӕндон цы бынаты уыд ӕвӕрд, уый канд цӕрӕн пункты центр нӕ уыд, фӕлӕ ма ӕввахс аст хъӕуӕн дӕр. Ам уӕвынад кодта скъола, клуб, хъӕууон администраци. Центрыл йӕ нымадтой Барс, Морго, Гыццыл Гуфта, Андис, Къуылыхты хъӕу, Ног хъӕу ӕмӕ ӕндӕр цӕрӕн пункттӕ.
"Фӕхонынц ӕй приходы дзуар. Уыцы ном ӕрфидар дзуар тӕккӕ административон центры кӕй уыд, уымӕ гӕсгӕ. Ӕнӕ уый та у Уастырджы кувӕндон. Нысан цӕуы Джиуӕргуыбаты къуырисӕр ӕхсӕв", - радзырдта Sputnik ӕфсымӕртӕй иу Бола.
Йӕ ныхӕстӕм гӕсгӕ, цалынмӕ мӕй ӕмӕ ӕрдӕджы размӕ кувӕндоны ӕндидзын кӕнынмӕ бавнӕлдтой, уӕдмӕ ӕркастысты йӕ историмӕ дӕр. Дзуары тыххӕй бӕстон зонӕнтӕ ис Хуссар Ирыстоны историон ӕмӕ архитектурон цыртдзӕвӕнтӕ бахъахъхъӕныны хайады.
"Кувӕндон амад ӕрцыд XVIII-XIX ӕнусы, фӕлӕ уымӕй размӕ дӕр уым уыд дзуар. Мах йӕ бындуры онг куы нывнӕлдтам, уӕд рабӕрӕг йӕ рагондӕр амады бындур кӕй уыд ӕндӕрхуызон - цыппаркъуымон. Фӕлӕ ныр кувӕндон сӕндидзӕн кӕндзыстӕм цы бӕрӕггӕнӕнтӕм нӕм ис, уыдонмӕ гӕсгӕ. Цӕттӕ у проект, ӕрӕмных ӕй кодтам историон цыртдзӕвӕнты хайадимӕ", - радзырдта уый.
Ныридӕгӕн арӕзтадӕн нырма ӕвӕрд ӕрцыд ӕрмӕст йӕ бындур, аразджыты фӕнды ацы аз арӕзтады фылдӕр хай балхынцъ кӕнын.
"Ацы аз нӕ фӕнды фӕуын йӕ систӕ. Амад цӕуы йӕхи дурӕй. Архайӕм йӕ раздӕры хуызы уый сӕндидзын кӕнын",- бахахх кодта уый.
Кувӕндоны тӕккӕ фарсмӕ ис хъӕуы иууыл фенддагдӕр бынат, ам рӕзы ӕнусон зазбӕлас, кӕцыйӕн йӕ кар дисы ӕфтауы адӕмы.
"Иу рӕстӕг йӕ фӕдта липецкаг специалист, кӕцы ахуыр кӕны бӕласы мыггӕгтӕ. Уый дзырдта, зӕгъгӕ, фӕзылд советон цӕдисы раздӕры республикӕтыл ӕмӕ дзы уый ацы бӕласы карӕн заз никуы федта. Астӕуккаг нымадмӕ гӕсгӕ йыл цӕуы 1700 азы",- бафиппайдта Котолиты Бола.
Бӕласы бӕрзӕнд, ӕддаг бакастӕй, у 12 метры бӕрц.
