Цхинвалы скуыста боксы секци чызджытӕн

© Photo : Из архива Л. ТерашвилиЦхинвалы скуыста боксы секци чызджытӕн
Цхинвалы скуыста боксы секци чызджытӕн - Sputnik Хуссар Ирыстон, 1920, 14.09.2022
Бафыссын
НовостиTelegram
ЦХИНВАЛ, 14 сен – Sputnik, Плиты Фатимӕ. Цхинвалы Боксы скъолайы бындурыл бакодтой чызджытӕн сӕрмагонд секци, къордимӕ кусы ӕнтыстджын боксер Терашвили Лела, фехъусын кодтой Sputnik скъолайы директоры хӕдивӕг Кокойты Ирбег.
Тренировкӕтӕм нырма цӕуынц дӕс чызджы бӕрц.
"Нырма цъус рӕстӕг кусынц, хатдзӕгтӕ аразынӕн раджы у", - загъта Кокойты Ирбег.
Тренер Терашвили Лелайы ныхӕстӕм гӕсгӕ, чызджыты фӕнды сӕхи сфидар кӕнын, фӕлӕ ӕмбӕлонӕй куы бакусой, уӕд сын ис стыр спортивон фидӕн.
"Чызджытӕ дзурынц, кӕй сӕ фӕнды, цӕмӕй сӕхи бахъахъхъӕнынӕн уой, фӕлӕ дзы иу цалдӕрӕй сты хорз цӕттӕ ӕмӕ сӕхиуыл куы бакусой, уӕд сӕ тагъд ракӕндзыстӕм ерыс кӕныны ӕмвӕзадмӕ", - загъта тренер.
Спортсменкӕтӕн ахуыртӕ цӕуынц Цхинвалы спорты скъолайы боны ӕртӕ сахатыл.
Терашвили Лела тренерон куысты ӕмрӕнхъ нӕ ахицӕн йӕ спортивон карьерӕйӕ дӕр, ӕрӕджы рамбылдта ӕхсӕнадӕмон турнир Калининграды ӕмӕ та цӕттӕ кӕны радон ерыстӕм.
Лела Терашвили - Sputnik Хуссар Ирыстон, 1920, 07.09.2022
Хуссарирыстойнаг чызг-боксер рамбылдта профессионалон турнир Калининграды
Ног хабӕртты лентӕ
0