Хуссар Ирыстон нысан кӕны Республикӕйы бон

© Sputnik / Наталья АйриянРеспубликӕйы бон Цхинвалы
Республикӕйы бон Цхинвалы - Sputnik Хуссар Ирыстон, 1920, 20.09.2022
Бафыссын
НовостиTelegram
ЦХИНВАЛ, 20 сен — Sputnik. Хуссар Ирыстон дыццӕджы нысан кӕны Республикӕйы расидты 32-ӕм афӕдзыбон.
1990 азы 20 сентябры Адӕмон депутатты совет расидт Хуссар-Ирыстойнаг советон демократон республикӕйы сырӕзт Советон Цӕдисы сконды. Ацы бон республикӕ сарӕзта йӕ фыццаг къахдзӕфтӕй иу хӕдбардзинад ӕмӕ ӕхсӕнадӕмон банымадмӕ.
Адӕмон депутатты совет, Гуырдзыстоны ССР партион къухдариуӕгад ӕмӕ националистон ӕхсӕнады ӕндӕвдадмӕ ӕнӕкӕсгӕйӕ, уынаффӕ рахаста автономон республикӕйы статус фӕбӕрзонддӕр кӕнын республикӕйы онг.
Хуссар Иры тырыса - Sputnik Хуссар Ирыстон, 1920, 14.09.2022
Тырыса ӕмӕ Республикӕйы бонтӕ: куыд банысан кӕндзысты ахсджиаг датӕтӕ Хуссар Иры районты
Сæрибардзинад æмæ хæдбардзинады сæраппонд бирæазон тох фæцис 2008 азы, уæд Тбилисы радон ӕфсӕддон авантюрæйы фæстиуæгæн Уæрæсе банымадта Хуссар Иры хæдбардзинад. Уæрæсейы фæстæ Хуссар Ирыстоны хæдбардзинад банымадтой ноджы цалдæр бæстæйы, уыдон нымæцы — Венесуэла, Никарагуа, Науру ӕмӕ Сири.
Традицимæ гæсгæ, Республикæйы бон банысан кæндзысты æфсæддон парадӕй Цхинвалы Театралон фӕзуатыл.
Парады фӕстӕ республикӕйы цӕрджытӕ ӕмӕ уазджытӕн арӕзт ӕрцӕудзӕн бӕрӕгбон "Алайнаг кӕрт", кӕцы ацӕудзӕн Ногдзауты парчы.
Изӕры та бӕрӕгбоны цытӕн Театралон фӕзуатыл ацӕудзӕн концерт "Ирыстон - нӕ хӕдзар".
Ног хабӕртты лентӕ
0