Гаглойты Алан арвыста тӕфӕрфӕсы тел Удмуртийы раздзогмӕ Ижевскы скъолайы трагедийы фӕдыл

© Sputnik / Сергей Кузнецов /  Ахизын медиабанкмæ Ижевск
 Ижевск - Sputnik Хуссар Ирыстон, 1920, 26.09.2022
Рафыссын
ЦХИНВАЛ, 26 сен — Sputnik. Хуссар Ирыстоны президент Гаглойты Алан арвыста тӕфӕрфӕсы тел Удмуртийы сӕргълӕууӕг Александр Бречаловы номыл Ижевскы трагедийы фӕдыл.
"Ижевскы 88-ӕм скъолайы ӕрцӕугӕ трагикон цаутӕ фехъуыстам тынг зӕрдӕрыстӕй, маст кӕнӕм ацы ӕбуалгъ фыдракӕнды фӕдыл", - дзырдӕуы телы.
Хуссар Ирыстоны цӕрджыты ӕмӕ йӕхи номӕй президент ратӕфӕрфӕс кодта фӕмардуӕвджыты бинонтӕ ӕмӕ хиуӕттӕн, фӕцӕфуӕвджытӕн та йӕ цӕст бауарзта, цӕмӕй тагъд сӕнӕниз уой.
Къуырисӕры райсомӕй ӕбӕрӕг гоймаг райдыдта ӕхсын Ижевскы 88-ӕм скъолайы. Удмуртийы сӕргълӕууӕг куыд фехъусын кодта, афтӕмӕй ацы ӕгъатыр трагедийы фӕмард сты 13 адӕймаджы, уыдонӕй фараст - сывӕллӕттӕ. Уымӕй дарддӕр ма 23 адӕймаджы фӕцӕфтӕ сты, се 'хсӕн 20 сывӕллоны.
Стрельба в школе Ижевска - Sputnik Хуссар Ирыстон, 1920, 26.09.2022
13 фӕмардуӕвӕджы - Ижевскы скъолайы ӕрцыд ӕхст
Ног хабӕртты лентӕ
0