https://sputnik-ossetia.com/20221006/lborty-alan-auagta-y-fytstsag-rabadt-khussar-iry-parlamenty-spikery-bynaty-19263923.html
Æлборты Алан ауагъта йæ фыццаг рабадт Хуссар Иры парламенты спикеры бынаты
Æлборты Алан ауагъта йæ фыццаг рабадт Хуссар Иры парламенты спикеры бынаты
Sputnik Хуссар Ирыстон
ЦХИНВАЛ, 6 окт – Sputnik, Дзæгъиаты Олег. Хуссар Ирыстоны столицæйы цыппæрæмы ацыд республикæйы парламенты æстæм сессийы дыккаг рабадт. Æлборты Аланæн уый уыд... 06.10.2022 мӕ, Sputnik Хуссар Ирыстон
2022-10-06T12:43+0300
2022-10-06T12:43+0300
2022-10-06T15:33+0300
хуссар ирыстоны
ног хабӕрттӕ
хуссар иры парламент
https://cdnn1.img.sputnik-ossetia.ru/img/07e6/09/0f/18908277_0:161:3071:1888_1920x0_80_0_0_7ef8f9cb91ed6970f6ae647dd9e5d9f6.jpg
ЦХИНВАЛ, 6 окт – Sputnik, Дзæгъиаты Олег. Хуссар Ирыстоны столицæйы цыппæрæмы ацыд республикæйы парламенты æстæм сессийы дыккаг рабадт. Æлборты Аланæн уый уыд фыццаг рабадт закондæттæг органы спикеры бынаты. Боны фæткмæ рахастæуыд æхсæз фарсты.Фыццаг фарст хаудта Республикæ Хуссар Ирыстоны законы проект "Республикæ Хуссар Ирыстоны фæсарæйнаг хъуыддæгты министрады паддзахадон граждайнаг службæ цæуыны лыстæгдзинæдты фæдыл". Законы проект райстæуыд æмхъæлæсæй.Аннæ æртæ фарсты бакаст вице-спикер Гасситы Петр. Уыдон уыдысты техникон фарстытæ æмæ хаудтой ногæвзæрст спикеры куыстмæ. Депутаттæ æмхъæлæсæй аскъуыддзаг кодтой ссæрибар кæнын Æлборты Аланы сæудæджерад, арæзтад, транспорт, бастдзинад æмæ æрдзон ресурсты фæдыл парламентон комитеты сæрдары бынатæй. Афтæ ма сфидар кодтой экономикæ, амалиуæгад æмæ хъæууон хæдзарады комитеты ног сконд, афтæ ма Мандатон къамисы ног сконд дæр.Мандатон къамисы ног уæнгæй Æлборты Алан банхъардта Уалыты Ибрагимы. Депутаттæ æмхъæлæсæй сразы сты ацы кандидатурæйыл.Уымæй дарддæр республикæйы парламент æркаст Хуссар Ирыстоны Национ банчы директорты советы уæнгтæ снысан кæныны фарстмæ. Уый бакаст бюджет æмæ хъалонты фæдыл парламентон комитеты разамонæг Джиоты Елена. Уый фæстиуæгæн, Нацбанчы ног уæнгæй равзæрстой Тедеты Фатимæйы.Сæйраг боны фæткы фæстæ депутаттæ æркастысты ноджы къорд фарстмæ. Сæ нымæцы, бензины æрбаласт горæт Къаисамæ, донифтонгады проблемæ республикæйы цалдæр хъæуы.
https://sputnik-ossetia.com/20221005/khussar-iry-parlamenty-prezidium-ssaribar-kodta-alborty-alany-komitety-sardary-bynatay-19246416.html
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
2022
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
ног хабӕрттӕ
os_OS
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
хуссар ирыстоны, ног хабӕрттӕ, хуссар иры парламент
хуссар ирыстоны, ног хабӕрттӕ, хуссар иры парламент
Æлборты Алан ауагъта йæ фыццаг рабадт Хуссар Иры парламенты спикеры бынаты
12:43 06.10.2022 (Ранӕуӕггонд: 15:33 06.10.2022) ЦХИНВАЛ, 6 окт – Sputnik, Дзæгъиаты Олег. Хуссар Ирыстоны столицæйы цыппæрæмы ацыд республикæйы парламенты æстæм сессийы дыккаг рабадт. Æлборты Аланæн уый уыд фыццаг рабадт закондæттæг органы спикеры бынаты. Боны фæткмæ рахастæуыд æхсæз фарсты.
Фыццаг фарст хаудта Республикæ Хуссар Ирыстоны законы проект "Республикæ Хуссар Ирыстоны фæсарæйнаг хъуыддæгты министрады паддзахадон граждайнаг службæ цæуыны лыстæгдзинæдты фæдыл". Законы проект райстæуыд æмхъæлæсæй.
Аннæ æртæ фарсты бакаст вице-спикер Гасситы Петр. Уыдон уыдысты техникон фарстытæ æмæ хаудтой ногæвзæрст спикеры куыстмæ. Депутаттæ æмхъæлæсæй аскъуыддзаг кодтой ссæрибар кæнын Æлборты Аланы сæудæджерад, арæзтад, транспорт, бастдзинад æмæ æрдзон ресурсты фæдыл парламентон комитеты сæрдары бынатæй. Афтæ ма сфидар кодтой экономикæ, амалиуæгад æмæ хъæууон хæдзарады комитеты ног сконд, афтæ ма Мандатон къамисы ног сконд дæр.
Мандатон къамисы ног уæнгæй Æлборты Алан банхъардта Уалыты Ибрагимы. Депутаттæ æмхъæлæсæй сразы сты ацы кандидатурæйыл.
Уымæй дарддæр республикæйы парламент æркаст Хуссар Ирыстоны Национ банчы директорты советы уæнгтæ снысан кæныны фарстмæ. Уый бакаст бюджет æмæ хъалонты фæдыл парламентон комитеты разамонæг Джиоты Елена. Уый фæстиуæгæн, Нацбанчы ног уæнгæй равзæрстой Тедеты Фатимæйы.
Сæйраг боны фæткы фæстæ депутаттæ æркастысты ноджы къорд фарстмæ. Сæ нымæцы, бензины æрбаласт горæт Къаисамæ, донифтонгады проблемæ республикæйы цалдæр хъæуы.
