https://sputnik-ossetia.com/20221007/tskhinvaly-khussarvars-karon-nyssadzdzysty-nazydzhyn-khad-19287032.html
Цхинвалы цӕгаттаг кӕрон ныссадздзысты нӕзыджын хъӕд
Цхинвалы цӕгаттаг кӕрон ныссадздзысты нӕзыджын хъӕд
Sputnik Хуссар Ирыстон
ЦХИНВАЛ, 7 окт — Sputnik, Плиты Фатимӕ. Хуссар Ирыстоны Хъӕды хӕдзарады тыхтӕй Мӕскуыйаг микрорайоны сӕрмӕ ныссадздзысты нӕзыджын хъӕд, кӕцы рӕсугъддзинадӕй... 07.10.2022 мӕ, Sputnik Хуссар Ирыстон
2022-10-07T11:23+0300
2022-10-07T11:23+0300
2022-10-07T11:27+0300
хуссар ирыстоны
ног хабӕрттӕ
экологи
ӕрдз
https://cdnn1.img.sputnik-ossetia.ru/img/07e6/09/0e/18875077_0:0:3072:1728_1920x0_80_0_0_fd9fa49c375de64c07b69d96a8141b07.jpg
ЦХИНВАЛ, 7 окт — Sputnik, Плиты Фатимӕ. Хуссар Ирыстоны Хъӕды хӕдзарады тыхтӕй Мӕскуыйаг микрорайоны сӕрмӕ ныссадздзысты нӕзыджын хъӕд, кӕцы рӕсугъддзинадӕй дарддӕр дӕтдзӕн сыгъдӕн уӕлдӕф ӕмӕ суыдзӕн улӕфӕн къуым, фехъусын кодта Sputnik управленийы хистӕр Чилӕхсаты Таймураз.Ныридӕгӕн уагдон фидар кӕны бадзырдтӕ талатӕ самал кӕныны фӕдыл. Фӕззынгон тала садзыны рӕстӕг у октябрь-ноябрь.Йӕ ныхӕстӕм гӕсгӕ, ацы бынаты бӕлӕстӕ сӕндидзын кӕнынӕн ис алы уавӕртӕ дӕр."Ацы бынатыл цӕуы Цъунары хъӕумӕ донхӕры канал. Уымӕй мах кӕсӕм таламӕ фыццаг рӕстӕг. Ам нӕзыджын хъӕд куы сырӕзт, уӕд горӕтӕн дӕтдзӕн сыгъдӕг уӕлдӕф ӕмӕ рӕсугъддзинад" ,- бахахх кодта уагдоны сӕргълӕууӕг.Ацы фӕндӕй дарддӕр ма уагдон кусы Цхинвал-Ленингоры трассӕ бӕлӕсты хъӕбысы бакӕныныл.Чилӕхсаты Таймураз ма куыд радзырдта, афтӕмӕй сӕ фӕндтӕ сӕххӕст кӕнынӕн хъӕуы нырма бирӕ архайын, уый тыххӕй ӕмгуыст кӕнынц Хуссар Ирыстоны экологикон организаци "Зеленая Алания" ӕмӕ уӕрӕсейаг профилон уагдӕттимӕ.
https://sputnik-ossetia.com/20220914/khussar-irystony-ardz-atsy-az-bakhkhast-uydzan-das-min-talaya--18874016.html
Sputnik Хуссар Ирыстон
media@sputniknews.com
+74956456601
MIA „Rosiya Segodnya“
2022
Sputnik Хуссар Ирыстон
media@sputniknews.com
+74956456601
MIA „Rosiya Segodnya“
ног хабӕрттӕ
os_OS
Sputnik Хуссар Ирыстон
media@sputniknews.com
+74956456601
MIA „Rosiya Segodnya“
Sputnik Хуссар Ирыстон
media@sputniknews.com
+74956456601
MIA „Rosiya Segodnya“
хуссар ирыстоны, ног хабӕрттӕ, экологи, ӕрдз
хуссар ирыстоны, ног хабӕрттӕ, экологи, ӕрдз
Цхинвалы цӕгаттаг кӕрон ныссадздзысты нӕзыджын хъӕд
11:23 07.10.2022 (Ранӕуӕггонд: 11:27 07.10.2022) ЦХИНВАЛ, 7 окт — Sputnik, Плиты Фатимӕ. Хуссар Ирыстоны Хъӕды хӕдзарады тыхтӕй Мӕскуыйаг микрорайоны сӕрмӕ ныссадздзысты нӕзыджын хъӕд, кӕцы рӕсугъддзинадӕй дарддӕр дӕтдзӕн сыгъдӕн уӕлдӕф ӕмӕ суыдзӕн улӕфӕн къуым, фехъусын кодта Sputnik управленийы хистӕр Чилӕхсаты Таймураз.
Ныридӕгӕн уагдон фидар кӕны бадзырдтӕ талатӕ самал кӕныны фӕдыл. Фӕззынгон тала садзыны рӕстӕг у октябрь-ноябрь.
"Къуернеты хъӕу ныр у горӕтгӕрон территори, хӕрз хӕстӕг у "Мӕскуыйаг" микрорайонмӕ. Уым хъуамӕ Тулдзы къохы ӕнгӕс нӕзыджын хъӕд схъомыл кӕнӕм. Нырмӕ уал байтыдтам хъырымаг нӕзыты 3 мин талайы ӕмӕ та сӕ ацы фӕззӕджы ноджы баххӕст кӕндзыстӕм", - загъта Чилӕхсаты Таймураз.
Йӕ ныхӕстӕм гӕсгӕ, ацы бынаты бӕлӕстӕ сӕндидзын кӕнынӕн ис алы уавӕртӕ дӕр.
"Ацы бынатыл цӕуы Цъунары хъӕумӕ донхӕры канал. Уымӕй мах кӕсӕм таламӕ фыццаг рӕстӕг. Ам нӕзыджын хъӕд куы сырӕзт, уӕд горӕтӕн дӕтдзӕн сыгъдӕг уӕлдӕф ӕмӕ рӕсугъддзинад" ,- бахахх кодта уагдоны сӕргълӕууӕг.
Ацы фӕндӕй дарддӕр ма уагдон кусы Цхинвал-Ленингоры трассӕ бӕлӕсты хъӕбысы бакӕныныл.
"Фӕндаджы арӕзтады рӕстӕджы зӕххы ӕвӕрд бахъыгдард ис ӕмӕ йын тӕссаг у лӕбырдтӕй. Уымӕй бахизыны нысанӕн хъӕуы фӕндаггӕрон ныссадзын бӕлӕстӕ. Уым та садздзыстӕм сырх тулдзы тала ӕмӕ йӕ гуыркъо. Уыдон ласӕм Цӕгат Ирыстонӕй", - бафтыдта уый.
Чилӕхсаты Таймураз ма куыд радзырдта, афтӕмӕй сӕ фӕндтӕ сӕххӕст кӕнынӕн хъӕуы нырма бирӕ архайын, уый тыххӕй ӕмгуыст кӕнынц Хуссар Ирыстоны экологикон организаци "Зеленая Алания" ӕмӕ уӕрӕсейаг профилон уагдӕттимӕ.
