Цоциты Аланы бавæрдзысты майрæмбоны, фехъусын кодтой хицауады

© Sputnik / Natalia AiriyanАкция памяти Алана Чочиева
Акция памяти Алана Чочиева - Sputnik Хуссар Ирыстон, 1920, 26.10.2022
Рафыссын
ЦХИНВАЛ, 26 окт – Sputnik. Хуссарирыстойнаг паддзахадон архайæг æмæ историк Цоциты Аланæн фæстаг хæрзбон зæгъдзысты 28 октябры, радзырдта журналисттæн политолог æмæ политик Гобозты Вячеслав.
Цоциты Алан йæ цардæй ахицæн 76-аздзыдæй 24 августы.
Фæстаг хæрзбон зæгъыны церемони райдайдзæн 12.00 сахатыл Цхинвалы Театралон фæзуатыл.
Гобозты Вячеслав банысан кодта, церемонийы хайад кæй райсдзысты президент Гаглойты Алан, зынгæ политиктæ – Кокойты Тарзан, Дзиццойты Юрий, Бзарты Руслан, Тезиты Олег.
Цоциты Аланы бавæрдзысты Згъудеры уæлмæрды. Лæвæрд ын æрцæудзæн орден Уацамонгæ. Зынгæ политикы ном лæвæрд æрцæудзæн Хуссар Ирыстоны столицæйы уынгтæй иуæн.
Цоциты Алан - Sputnik Хуссар Ирыстон, 1920, 24.08.2022
Йæ цардæй ахицæн хуссарирыстойнаг паддзахадон архайæг Цоциты Алан
Цоциты Алан райгуырд Цхинвалы 1946 азы. 1970-æм азты куыста уæгъдибар хъæбысхæсты тренерæй, уыд истори, уырыссаг æвзаг æмæ литературæйы ахуыргæнæг.
1980-90 азты уыд æхсæнадон организаци "Адæмон ныхас"-ы разамонæг, кæцы активонæй тох кодта Хуссар Ирыстоны хæдбардзинады сæраппонд, бирæ куыста Хуссар Ирыстоны суверенитетæн политикон-барадон бындуры арæзтадæн.
Цоциты Алан куыста паддзахадон бынæтты дæр – уыд Хуссар Ирыстоны Уæлдæр советы сæрдары хæдивæг.
Историон зонæдты доктор, зонадон куыстыты автор.
Ног хабӕртты лентӕ
0