https://sputnik-ossetia.com/20230112/21-nog-chyndz-ykhi-rtsauygta-20732935.html
21. НОГ ЧЫНДЗ ЙÆХИ ÆРЦАУЫГЪТА!
21. НОГ ЧЫНДЗ ЙÆХИ ÆРЦАУЫГЪТА!
Sputnik Хуссар Ирыстон
Чындзæхсæвы фынгтыл бадджыты карз нозт абырста, фæсырдта сын се ’рхæндæг хъуыдытæ æмæ сын айхæлдта се ’взæгты баст. Фæкъæртт сты зарынмæ, цыма, фæндыр дæр... 12.01.2023 мӕ, Sputnik Хуссар Ирыстон
2023-01-12T15:50+0300
2023-01-12T15:50+0300
2023-01-12T15:50+0300
гъе-мардзæ, исчи!
хуссар ирыстоны
радио иронау
истори
https://cdnn1.img.sputnik-ossetia.ru/img/07e6/0c/1c/20732782_0:0:1445:812_1920x0_80_0_0_a61ce46effbfbb5f64132b5395781917.png
21. НОГ ЧЫНДЗ ЙÆХИ ÆРЦАУЫГЪТА!
Sputnik Хуссар Ирыстон
21. НОГ ЧЫНДЗ ЙÆХИ ÆРЦАУЫГЪТА!
Чындзæхсæвы фынгтыл бадджыты карз нозт абырста, фæсырдта сын се ’рхæндæг хъуыдытæ æмæ сын айхæлдта се ’взæгты баст. Фæкъæртт сты зарынмæ, цыма, фæндыр дæр фæрасыг, йæ хъыллист тынгæй-тынгдæр хъуысы.Схъæлдзæг и Хъуынцел. Цы номхæссæны чындзæхсæв сцæттæ кодта, уый йæ комбæстæй бирæ бонты нæ ферох уыдзæн. Фæсидт уырдыглæууæгмæ. Дзæбидыры сыкъатæ байдзаг кæнын кодта æмæ уæззау растад. Хъуамæ арфæ ракæна йæ комбæстæн.— О, хорз адæм, мæ буц уазджытае! — анæрыд йæ хъæлæс. Фæлæ йын уысммæ йæ ныхас кæйдæр æвирхъау цъæхахст, карды цъыккау, атæхын кодта:— Цы фестут, уæдæ, ног чындз йæхи æрцауыгъта!Расыг адæм, мыдыбындзыты къæртайыл дон куы ауадзай, уыйау сызмæлыдысты. Фæгæппытæ кодтой сæ бынæттæй æмæ, тарст фосы рæгъауау, агуылф кодтой хæдзары ’рдæм.Хъуынцелæн йедзаг сыкъатæ йæ къухæй ахаудтой, æмæ, кæлмдзæфау, адæмы ’хсæнты хæдзары смидæг. Уаты къух бакæнæн нал уыд. Устыты дзолгъо-молгъо бæстæ йæ сæрыл иста.— Банцайут-ма! — иу богъ сыл фæкодта. Сылгоймæгтæ фæхъус сты. Иугай-дыгай сæхи æддæмæ райстой.Гаглойты Владимиры роман "Гъе-мардзæ исчи!"-мæ гæсгæ.Дарддæр аудиочиныгмæ хъусут Sputnik Хуссар Ирыстоны.
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
2023
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
ног хабӕрттӕ
os_OS
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
Sputnik Хуссар Ирыстон
media@sputniknews.com
+74956456601
MIA „Rossiya Segodnya“
хуссар ирыстоны, радио иронау , истори, аудио
хуссар ирыстоны, радио иронау , истори, аудио
Чындзæхсæвы фынгтыл бадджыты карз нозт абырста, фæсырдта сын се ’рхæндæг хъуыдытæ æмæ сын айхæлдта се ’взæгты баст. Фæкъæртт сты зарынмæ, цыма, фæндыр дæр фæрасыг, йæ хъыллист тынгæй-тынгдæр хъуысы.
Схъæлдзæг и Хъуынцел. Цы номхæссæны чындзæхсæв сцæттæ кодта, уый йæ комбæстæй бирæ бонты нæ ферох уыдзæн. Фæсидт уырдыглæууæгмæ. Дзæбидыры сыкъатæ байдзаг кæнын кодта æмæ уæззау растад. Хъуамæ арфæ ракæна йæ комбæстæн.
— О, хорз адæм, мæ буц уазджытае! — анæрыд йæ хъæлæс. Фæлæ йын уысммæ йæ ныхас кæйдæр æвирхъау цъæхахст, карды цъыккау, атæхын кодта:
— Цы фестут, уæдæ, ног чындз йæхи æрцауыгъта!
Расыг адæм, мыдыбындзыты къæртайыл дон куы ауадзай, уыйау сызмæлыдысты. Фæгæппытæ кодтой сæ бынæттæй æмæ, тарст фосы рæгъауау, агуылф кодтой хæдзары ’рдæм.
Хъуынцелæн йедзаг сыкъатæ йæ къухæй ахаудтой, æмæ, кæлмдзæфау, адæмы ’хсæнты хæдзары смидæг. Уаты къух бакæнæн нал уыд. Устыты дзолгъо-молгъо бæстæ йæ сæрыл иста.
— Банцайут-ма! — иу богъ сыл фæкодта. Сылгоймæгтæ фæхъус сты. Иугай-дыгай сæхи æддæмæ райстой.
Гаглойты Владимиры роман "Гъе-мардзæ исчи!"-мæ гæсгæ.
Дарддæр аудиочиныгмæ хъусут Sputnik Хуссар Ирыстоны.
