Цæгат Иры дыццæджы байгом уыдзæн сæрдыгон студентон æмбырд "ÆРЫГОН"
© Photo : Telegram / Сергей Меняйло
Рафыссын
ЦХИНВАЛ, 6 авг - Sputnik. Уæрæсейаг ахуырадон уагдæтты 170-æй фылдæр ирыстойнаг студенты æрцæудзысты пансионат "Урсдон"-мæ Цæгат Ирыстонмæ, цы ран дыццæджы байгом уыдзæн сæрдыгон студентон æмбырд "ÆРЫГОН", фехъусын кодта республикæйы сæргълæууæг Сергей Меняйло.
"Мах бакуыстам программæйыл, кæцыйы ис фембæлдтæ цымыдисон адæмимæ, афтæ ма мастер-класттæ æмæ хиирхæфсæн мадзæлттæ. Фæсивæдмæ æрцæудзысты æхсæнад "Знание"-йы гендиректоры хæдивæг Антон Сериков, Паддзахадон думæйы депутат Сергей Бурлаков, журнал "Международная аналитика"-йы сæйраг редактор Сергей Маркедонов. Форумы хайадисджытæн ма сорганизаци кæндзысты фембæлдтæ сæрмагонд æфсæддон операцийы хъайтартимæ, культурæйы архайджытимæ, спортсментимæ, блогертимæ æмæ амалиуæггæнджытимæ", - ныффыста Меняйло йæ telegram-каналы.
