ЦХИНВАЛ, 29 июн — Sputnik. Фыдызгъӕлы завод "Растдон" Хуссар Ирыстоны йӕ куысты райдайӕнӕй фӕстӕмӕ рауагъта 100 тонн продукци, уыдонӕй 60 рауагъта 2018 азы, хъусын кӕны компанийы пресс-службӕ.
"Къорд сарӕзта Цхинвалы фыдызгъӕлы комбинат маркӕ "Нӕртоны" дӕлбар. Цӕмӕй бамбарӕм "Евродон" ӕмӕ "Растдон"-ы тыхтӕ, уый тыххӕй хъӕуы ӕркӕсын продукцийы ӕрвылбонон рауагъдмӕ: "Евродон" Ростовы рауадзы 500 тонн гогызӕй ӕмӕ 100 тонн бабызӕй, "Растдон" та 300 килограммы, фӕстӕдӕр та фӕнд кӕны уадзын 1 тонны", — радзырдта "Евродон"-ы сӕргълӕууӕг Уанеты Вадим.
Уанеты Вадимы ныхӕстӕм гӕсгӕ, республикӕйы нывӕндынц пайда кӕнын бынӕттон фыдызгъӕлӕй, фӕлӕ нырма бынӕттон продукцийӕ кӕронмӕ нӕ архайынц. Ныртӕккӕ "Евродон" ласы фыдызгъӕл Ростовӕй. "Нӕртон" маркӕйы продукцийӕн тынг аргъ кӕнынц ӕрмӕст бынӕттон цӕрджытӕ нӕ, фӕлӕ ма ӕввахсдӕр регионты цӕрджытӕ, банысан кодта Уанеты Вадим.
"Иумӕйаг рауагъдгонд продукцийӕ Ирыстоны уадзынц йе 'ртыккӕгӕм хай. Стратегимӕ гӕсгӕ, хъуамӕ уадзӕм йе 'рдӕг", — бафтыдта "Евродон"-ы сӕргълӕууӕг.
2019 азы комбинат фӕнд кӕны рауадзын 600 тонн продукци.
Амӕйразмӕ рабӕрӕг, фыдызгъӕлы комбинат "Растдон" ӕввахс рӕстӕджыты кӕй райсдзӕн сертификат, цӕмӕй ласа продукцийы 10 хуыз Хуссар Ирыстонӕй Уӕрӕсемӕ.
