05:53 22 ЗÆРДÆВÆРÆНЫ МÆЙ
 2019
Комкоммӕ эфир
  • EUR71.97
  • USD64.54
Хуссар Иры амалиуӕггӕнӕг кӕны хосгæнæн хӕхты

Доны тых: Хуссар Иры амалиуӕггӕнӕг кӕны хосгæнæн хӕхты

Из архива В.Босикова
Хуссар Ирыстоны
Чысыл дӕнцӕг
12310

Донæй дзæбæхгæнæн улӕфджытӕн йӕ дуӕрттӕ ӕрбакӕндзӕн июны, ам схос кӕнӕн уыдзӕн цалдӕр низӕн

ЦХИНВАЛ, 13 мар — Sputnik, Плиты Фатимӕ. Хуссар Иры Урс Туалгомы Згъубиры хосгӕнӕн суадоны бындурыл сӕрды бакӕндзысты донæй дзæбæхгæнæн. Улӕфӕн зонӕйы хос кӕндзысты артроз, диабет ӕмӕ цармы низтӕн, фехъусын кодта Sputnik амалиуӕггӕнӕг, уагдоны бардарӕг Босыкты Владимир.

Амалиуӕггӕнӕджы ныхӕстӕм гӕсгӕ, ацы дон ваннӕтӕ исынӕн у зындгонд цӕгаткавказаг хосгӕнӕн дӕттӕй зынгӕ хуыздӕр. Цалдӕр азы размӕ йӕ басгӕрстой Пятигорскы курортологийы зонад иртасӕн инстиуты ӕмӕ йын рахатыдысты йӕ диссаджы хосгӕнӕн гъӕд.

"Нӕ дон у Ессентуки, Кисловодск ӕмӕ ӕндӕр ӕнгӕс дӕттӕй дӕс хатты хуыздӕр. Ацы ком та у дзӕнӕты бынат. Дон цӕуы Кавказы хохы рагъӕй. Хос кӕны артроз, диабет ӕмӕ цармы низтӕн. Ацы диссаджы суадоны бындурыл сӕвзӕрдзӕн чысыл донæй дзæбæхгæнæн", - загъта Босыкты Владимир.

Йӕ ныхӕстӕм гӕсгӕ, донæй дзæбæхгæнæн йӕ куыст райдайдзӕн сӕрды.

"Бӕстыхай цалцӕг цӕуы, баконд нысан кӕнын июньмӕ. Уӕлӕфӕндон кусдзӕн сӕрдӕй-зымӕгӕй, нымад уыдзӕн 8 улӕфӕгыл. Йӕ лӕггӕдты ӕмвӕзад уыдзӕн цыппарстъалыйон уазӕгдоны ӕмвӕзадыл", - бафтыдта амалиуӕггӕнӕг.

Йӕ ныхӕстӕм гӕсгӕ, уый доны хосгӕнӕн тых сфӕлвӕрдта цалдӕр адӕймагыл.

"Цалдӕрӕн ласын ацы донӕй горӕтмӕ, уыдон дзы ваннӕтӕ нӕ исынц, фӕлӕ дзы хуылыдз хæцъилтӕ ӕвӕрынц низӕфхӕрд бынӕттыл ӕмӕ сын сӕ низтӕ суры", - балхынцъ кодта уый.

Хуссар Иры Урс Туалгомы Згъубиры минералон дон нымад цӕуы хуыздӕртӕй иуыл. Ацы суадонӕй уагъд цӕуы республикӕйы дыууӕ зындгонд донрауагъдадон компанийы продукци. Советон рӕстӕджы ацы доны бындурыл хъавыдысты саразын егъау завод.

  • Згъубир
    Згъубир
    Из архива В.Босикова
  • Згъубир
    Згъубир
    Из архива В.Босикова
1 / 2
Из архива В.Босикова
Згъубир

Сӕйраг темӕтӕ